होलीमा कोरोना प्रभावः सुनसान बजारमा शान्त जमघट

काठमाडौं । आज होली, पहाडी क्षेत्रमा विशेष रुपमा मनाइँदैछ ।

तर कोरोना भाइरसको प्रकोपका कारण अघिल्ला वर्षमा जस्तो राजधानीमा होली खेल्नेहरुको संख्या निकै कम छ । विशेष गरी न्यूरोड, वसन्तुपुर, भृकुटिमण्डप, नयाँबानेश्वरलगायतका क्षेत्रमा विगतमा जस्तो मानिसहरुको जमघट छैन ।

सरकारले नै कोरोना भाइरसको संक्रमणको जोखिमलाई मध्यनजर गर्दै होलीमा भीडभाड नगर्न आग्रह गरिसकेको थियो ।

यतिबेला राजधानीको बजार निकै शान्त छ । होली खेल्ने केही मानिसहरु फाट्टफुट्ट देखिए पनि भीडभाड भने छैन ।