काठमाडौं । सेयर बजारमा सामान्य अंकको गिरावट आएको छ ।
साताको कारोबारको दोस्रो दिन मंगलबार सेयर बजार परिसूचक नेपाल स्टक एक्सचेञ्ज (नेप्से) ४.६४ अंकले घटेर २६९६.६७ बिन्दुमा कायम भएको छ ।
अघिल्लो कारोबार दिन सोमबार पनि नेप्से ३३.२८ अंकले घटेको थियो ।
मंगलबार नेप्सेमा कुल ४ अर्ब ४२ करोड रुपैयाँ बराबरको कारोबार भएको छ । अघिल्लो दिन सोमबार भने नेप्सेमा कुल ५ अर्ब ८१ करोड माथिको कारोबार भएको थियो ।
मंगलबार कारोबारमा आएकामध्ये ९८ कम्पनीको सेयर मूल्य बढ्दा १६६ कम्पनीको घटेको छ । यस्तै, १३ कम्पनीको सेयर मूल्य भने स्थिर छ ।
प्रतिक्रिया