नेप्सेमा ३० अंकको गिरावट, साढे ७ अर्बको कारोबार

काठमाडौं । सेयर बजारमा ३० अंकको गिरावट आएको छ ।

साताको कारोबारको पहिलो दिन सोमबार सेयर बजार परिसूचक नेपाल स्टक एक्सचेञ्ज (नेप्से) ३०.६० अंकले घटेर २५७०.१८ बिन्दुमा कायम भएको हो ।

यसअघिका तीन कारोबार दिन पनि नेप्से लगातार संकुचित बनेको थियो ।

आज नेप्सेमा कुल ७ अर्ब ४६ करोड रुपैयाँ बराबरको कारोबार भएको छ । अघिल्लो कारोबार दिन भने नेप्सेमा कुल ३ अर्ब ८ करोड माथिको कारोबार भएको थियो ।

सोमबार कारोबारमा आएकामध्ये २२ कम्पनीको सेयर मूल्य बढ्दा २४९ कम्पनीको घटेको छ । यस्तै, ४ कम्पनीको सेयर मूल्य भने स्थिर छ ।