काठमाडौं । नेपाल राष्ट्र बैंकमा विभागीय प्रमुख (कार्यकारी निर्देशक) हरुको जिम्मेवारी हेरफेर भएको छ ।
कार्यकारी निर्देशक नरेश शाक्यको अवकाससँगै रिक्त भएको कार्यकारी निर्देशक पदमा बैंक तथा वित्तीय संस्था नियमन विभागका निर्देशक गोविन्द प्रसाद नागिलाको बढुवा भएको छ ।
नागिला कार्यकारी निर्देशकमा बढुवा भएसँगै केही कार्यकारी निर्देशकको जिम्मेवारी पनि हेरफेर भएको छ ।
बढुवा भएका नागिलाको जनशक्ति व्यवस्थापन विभागको कार्यकारी निर्देशकमा पदस्थापन भएको छ । त्यस्तै जनशक्ति व्यवस्थापन विभागमा रहेका गुरु प्रसाद पौडेल गभर्नरको कार्यालयमा सरुवा भएका छन् ।
त्यस्तै गभर्नर कार्यालयमा रहेका मुक्तिनाथ सापकोटाको संथागत योजना तथा जोखिम व्यवस्थापन विभागमा सरुवा भएको छ ।
उक्त विभागमा कार्यरत रहेका राजन विक्रम थापाको भने नरेश शाक्य अवकास भएसँगै रिक्त रहेको लघुवित्त संस्था सुपरिवेक्षण विभागमा सरुवा भएको छ ।
प्रतिक्रिया