आज पनि घट्यो सुनको मूल्य, कतिमा हुँदैछ कारोबार ?

काठमाडौं । पछिल्ला दिनहरूमा सुनको मूल्यमा निरन्तर गिरावट आएको छ ।

बिहीबार सुनको मूल्य प्रतितोला २ लाख ९२ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । 

बुधबार २ लाख ९४ हजार ५ सय रुपैयाँमा कारोबार भएको सुनको मूल्य बिहीबार १ हजार ८ सय रुपैयाँले घटेको हो । 

त्यसअघि मंगलबार र बुधबार दुई दिन सुनको मूल्य प्रतितोला क्रमश: ३-३ हजार रूपैयाँले घटेको थियो । 

बिहीबार चाँदीको मूल्य प्रतितोला ४ हजार ८ सय १० रुपैयाँ कायम भएको छ । बुधबार चाँदी प्रतितोला ४ हजार ९ सय १५ रुपैयाँमा कारोबार भएको थियो ।