काठमाडौं । राष्ट्रिय स्वतन्त्र पार्टी (रास्वपा)का उम्मेदवार गणेश पराजुली प्रतिनिधि सभा निर्वाचन २०८२ मा काठमाडौं क्षेत्र नं ७ बाट दोस्रो पटक विजयी भएका छन्।
उनले भारी मतका साथ आफ्ना निकटतम प्रतिस्पर्धीलाई निकै पछाडि पार्दै जित हासिल गरेका हुन् ।
पराजुलीले २७ हजार ८ सय ५ मत प्राप्त गरेर विजयी भएका हुन्। उनका निकटतम प्रतिद्वन्द्वी नेपाली कांग्रेसका प्रमोद हरि गुरागाईंले ३ हजार ९ सय ८२ मत मात्र पाए। पराजुलीले गुरागाईंलाई २३ हजार ८ सय २३ को फराकिलो मतान्तरले पराजित गरेका हुन् ।
त्यस्तै, तेस्रो स्थानमा रहेका नेपाल कम्युनिष्ट पार्टीका वसन्त प्रसाद मानन्धरले ३ हजार ६ सय ६७ र नेकपा एमालेका प्रकाश श्रेष्ठले ३ हजार ५ सय ४४ मत प्राप्त गरे ।
उज्यालो नेपाल पार्टीकी विमला लामाले १ हजार ३ सय ८३ र राष्ट्रिय प्रजातन्त्र पार्टीका लाल कुमार लामाले १ हजार ३ सय ८१ मत ल्याए। अन्य उम्मेदवारहरूले भने निकै कम मत पाएका छन् । २०७९ को निर्वाचनमा पनि पराजुली यही क्षेत्रबाट विजयी भएका थिए ।
प्रतिक्रिया