विनोद चौधरीले दर्ता गरे उम्मेदवारी, भने- परिवर्तनको पक्षमा छु

नवलपरासी । डलर अर्बपतिसमेत रहेका नेपाली कांग्रेसका नेता विनोद चौधरीले उम्मेदवारी दर्ता गराएका छन् ।

फागुन २१ गते हुने प्रतिनिधि सभा निर्वाचनका लागि चौधरीले मंगलबार नवलपरासी बर्दघाट सुस्ता पश्चिम प्रतिनिधि सभा क्षेत्र नम्बर १ अन्तर्गत नेपाली कांग्रेसको तर्फबाट उम्मेदवारी दर्ता गराएका हुन्।

२०७९ मा भएको प्रतिनिधि सभा निर्वाचनमा पनि चौधरी उक्त निर्वाचन क्षेत्रबाट विजयी भएका थिए ।

‘म राजनीतिक परिवर्तनको पक्षमा छु । आर्थिक रुपान्तरणको पक्षमा छु । र, जेनजी मुभमेन्टले दिएको सन्देशको मर्मलाई मैले राम्रोसँग बुझेको छु,’ मनोनयन दर्तापछि चौधरीले भनेका छन्, ‘ म यहाँबाट निर्वाचित भएको तीन बर्षमा समृद्ध नवलपरासीका लागि फाउण्डेसन तयार भएको छ । हामी सबैले प्रत्यक्ष देख्न सक्ने गरि नवलपरासी पश्चिमको विकास अभियान अगाडि बढेको छ । यस अभियानलाई पूर्णता दिन आवस्यक छ । त्यसकै लागि मैले नवलपरासी क्षेत्र नम्बर १ बाट प्रतिनिधिसभा सदस्य पदका लागि आज उम्मेदवारी दर्ता गरेको छु । यहाँहरुको शुभेच्छा, साथ र सहयोगका लागि सधै आभारी रहनेछु ।’