एजेन्सी । युक्रेनकी प्रधानमन्त्री युलिया स्विरिडेन्कोले आज बिहानै भएको रूसी आक्रमणमा किभस्थित मन्त्रिपरिषद् (क्याबिनेट) भवन क्षतिग्रस्त भएको आधिकारिक रूपमा पुष्टि गरेकी छन् । पहिलो पटक उक्त भवनमा प्रहार भएको हो ।
वायु सेनाका अनुसार पछिल्लो राति मात्र रेकर्ड तोड्ने गरी रूसले ८ सयभन्दा बढी ड्रोन र क्षेप्यास्त्र प्रक्षेपण गरेको छ ।
वायु सेनाले जनाएअनुसार ९ वटा क्षेप्यास्त्र र ५६ वटा ड्रोन ३७ स्थानमा लागेका छन् भने खसेको भग्नावशेष ८ स्थानमा परेको छ।
प्रधानमन्त्रीका अनुसार क्याबिनेट भवनको छानो र माथिल्लो तल्ला क्षतिग्रस्त भएका छन् ।
‘शत्रुले हाम्रा नागरिकलाई हरेक दिन देशभर आतंकित पारिरहेको छ,’ उनले सामाजिक सञ्जालमा लेखेकी छन् ।
आज बिहानै हामीले स्वतन्त्रता चोक (माइदान) को पछाडिबाट ठूलो धुवाँको स्तम्भ आकाशमा उठिरहेको देख्यौं ।
त्यसपछि दुईवटा रूसी क्रुज क्षेप्यास्त्र – अत्यन्तै तीव्र गतिमा उडिरहेको – देख्यौं र सुनेर केही क्षणमै अर्को विस्फोट भयो ।
रूसी क्षेप्यास्त्र र ड्रोन सहरको केन्द्रमै यति गहिरो प्रहार गर्नु निकै दुर्लभ हो, किनभने यो क्षेत्रमा हवाई प्रतिरक्षा निकै बाक्लो छ ।
यसपटक भने, त्यो प्रतिरक्षा प्रणाली दबाबमा परेजस्तो देखियो ।
प्रतिक्रिया