अहिलेसम्मकै महँगो बनेको सुनको मूल्य घट्यो, आज कति पुग्यो ?

काठमाडौं । शुक्रबार (आज) नेपाली बजारमा सुनको मूल्य सामान्य रूपमा घटेको छ ।

नेपाल सुनचाँदी व्यवसायी महासंघका अनुसार बिहीबारको तुलनामा सुन प्रतितोला ८०० रूपैयाँले घटेर शुक्रबार १ लाख ८९ हजार ८०० रूपैयाँमा कारोबार भइरहेको छ ।

बिहीबार सुनको मूल्य प्रतितोला १ लाख ९० हजार ६०० रूपैयाँ पुगेको थियो, जुन अहिलेसम्मकै सबैभन्दा धेरै हो ।

चाँदीको मूल्यमा भने परिवर्तन आएको छैन । बिहीबार प्रतितोला १ हजार ९६० रूपैयाँमा कारोबार भएको चाँदीको मूल्य आज पनि सोही रहेको छ ।