मलेसियामा ग्यास पाइपलाइन विस्फोट हुँदा भीषण आगलागी, १ सयभन्दा बढी घाइते

एजेन्सी । मलेसियाको राजधानी क्वालालम्पुरमा ग्यास पाइपलाइन विस्फोट भएपछि ठूलो आगलागी भएको छ । यस घटनामा १ सयभन्दा बढी व्यक्ति घाइते भएका छन् ।

स्थानीय सञ्चारमाध्यमहरूका अनुसार विस्फोटपछि आगो तीव्र रूपमा फैलिएको थियो । जसका कारण ठूलो संख्यामा मानिसहरू प्रभावित भएका छन् । उद्धार टोलीले घाइतेहरूलाई उपचारका लागि अस्पताल पुर्याउने कार्य जारी राखेको छ ।

विस्फोटको कारण अहिले अनुसन्धान भइरहेको बताइएको छ । स्थानीय अधिकारीहरूले क्षतिको विवरण संकलन गरिरहेको र थप जानकारी चाँडै सार्वजनिक गरिने बताएका छन् ।