तीन दिनको वृद्धिपछि नेप्सेमा गिरावट, सूचक १६ अंकले घट्दा ५ अर्ब ७९ करोडको कारोबार

काठमाडौं । सेयर बजारको कारोबार मापन गर्ने नेप्से परिसूचकमा १६.९५ अंकको गिरावट आएको छ । मंगलबार सेयर बजार सूचक ०.६२ प्रतिशतले घटेर २६७६.१७ बिन्दुमा रोकिएको छ ।

यसअघिका तीन कारोबार दिन भने नेप्सेमा लगातार वृद्धि भएको थियो । आइतबार नेप्से २९.८२ अंकले बढेर २६९३.१२ विन्दुमा रोकिँदा गत साताको बिहीबार ४१.४३ अंकले बढेको थियो । यस्तै, बुधबार नेप्से ३९.१३ अंकले बढेको थियो ।

मंगलबार नेप्सेमा कुल ५ अर्ब ७९ करोड रुपैयाँ बराबरको कारोबार भएको छ । आइतबार भने नेप्सेमा कुल ७ अर्ब ३० करोड रुपैयाँ बराबरको कारोबार भएको थियो ।

मंगलबार कारोबारमा आएकामध्ये ४२ कम्पनीको सेयर मूल्य बढ्दा २०१ कम्पनीको घटेको छ ।

आज गार्डियन माइक्रोलाइफ इन्स्योरेन्स कम्पनीको सेयर मूल्यमा सकारात्मक सर्किट लाग्दा गुराँस लघुवित्त वित्तीय संस्थाको सेयर मूल्य सर्वाधिक अर्थात् ५.५६ प्रतिशतले घटेको छ ।

मंगलबार बैंकिङ समूहको सेयर मूल्यमा ०.७४ प्रतिशत, विकास बैंक समूहमा ०.९५ प्रतिशत, फाइनान्स समूहमा १.८४ प्रतिशत, होटल तथा पर्यटन समूहमा १.७४ प्रतिशत र जलविद्यूत् समूहमा ०.९९ प्रतिशतको गिरावट आएको छ ।

यस्तै, लगानी समूहको सेयर मूल्य ०.४४ प्रतिशत, जीवन बिमा समूहको ०.६३ प्रतिशत, उत्पादन समूहको ०.५२ प्रतिशत, लघुवित्त समूहको १.१० प्रतिशत र निर्जीवन बिमा समूहको सेयर मूल्य ०.३८ प्रतिशतले घटेको छ ।