आज पनि घट्यो सुनको मूल्य, कतिमा भइरहेको छ कारोबार ?

काठमाडौं । मंगलबार नेपाली बजारमा सुनको मूल्य घटेको छ ।

सोमबार १ लाख ७३ हजार पाँचसय रुपैयाँ कायम भएको सुनको मूल्य आज एक लाख ७३ हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार आज चाँदीको मूल्य भने स्थिर छ । आइतबारबाट तोलाको एक हजार नौसय ८० रुपैयाँ कायम भएको चाँदीको मूल्य आज पनि सोही मूल्यमा कारोबार भइरहेको छ ।