दुई खेल विकेटविहीन लामिछानेले भनेः आफ्नै खेलबाट सन्तुष्ट छैन

काठमाडौं । विराटनगर किङ्सका कप्तान सन्दीप लामिछानेले आफ्नो खेलबाट आफैं सन्तुष्ट नभएको बताएका छन् ।

राजधानीमा जारी नेपाल प्रिमियर लिग (एनपीएल) मा लगातार दुई खेल हारेको विराटनगरका कप्तानले आफूले आफ्नै अपेक्षा अनुसार पर्फमेन्स गर्न नसकेको बताएका हुन् ।

विराटनगरको मार्की खेलाडीसमेत रहेका स्टार क्रिकेट खेलाडी लामिछानेले दुई खेलमा एक पनि विकेट लिन सकेका छैनन् ।

पहिलो खेलमा जनकपुर बोल्टससँग ८ विकेटले हारेको विराटनगर दोस्रो खेलमा सुदूरपश्चिम रोयल्ससँग ९० रनले पराजित भएको छ ।

मंगलबारको खेलमा पहिलो बलिङ गर्दा प्रतिपर्धीलाई ३०–४० रन बढी दिएका कारण लक्ष्य पछ्याउँदा दबाब बढेको उनको भनाइ छ ।