सेयर बजारमा हरियाली, १ मिनेटमा ९ अंकले बढ्यो

काठमाडौं । आज सेयर बजारमा हरियाली छाएको छ । उतार चढाबकाबिच बजाररमा हरियाली छाएको हो ।

सोमबार अन्तिम तीन मिनेमा ११ र अन्तिम १ मिनेटमा बजार ९ अंकले बढाइएको छ । बजार मापन गर्ने सूचक १९.९७ अंकले बढेर परिसूचक २७५८.०४ बिन्दु कायम भएको छ । ३१४ कम्पनीको २ करोड ३० लाख ११ हजार ३६१ कित्ता सेयर १० अर्ब ५४ करोड १७ लाख ४६ हजार ५६४ रुपैयाँको सेयर किनबेच भएको छ ।

कारोबारमा १२६ कम्पनीको सेयर मूल्य बढेको छ भने ११२ कम्पनीको घटेको छ । यो दिन होटल, जलविद्युत, लगानी, जीवन बिमा, उत्पादन तथा प्रशोधन, माइक्रोफाइनान्स, निर्जीबन बिमा र ट्रेडिङ समूहको उपसूचक बढेको छ । कारोबारमा तारागाउ रिजेन्सी, बिशाल बजार कम्पनी, खानीखोला हाईड्रोपावर, जोशी हाईड्रोपावर कम्पनीको सेयर मूल्यमा सकारात्मक सर्किट लागेको छ ।