ठूला जलविद्युत आयोजनामा प्राथमिकता, ऊर्जा क्षेत्र विकासका लागि ५० अर्ब ७४ करोड विनियोजन

काठमाडौं । सरकारले जलाशययुक्त जलविद्युत आयोजना प्राथमिकतामा राखेको छ ।

आगामी आर्थिक वर्षको बजेट संसदमा प्रस्तुत गर्दै अर्थमन्त्री वर्षमान पुनले ठूला क्षमतामा जलविद्युत आयोजना निर्माण थालिने बताए । उनले १२०० मेगावाटको बुढीगण्डकी जलाशययुक्त जलविद्युत आयोजना,१०६१ अप्पर अरुण जलविद्युत आयोजना निर्माण थाल्ने बताए । सरकारले नलगाड, जगदुल्ला,नौमुरे बहुउदेश्यीय जलविद्युत आयोजना निर्माण थाल्ने बताए ।

वैदेशिक रोजगारीमा रहेका व्यक्तिहरुबाट ७७.५ घुन्सा र ७० मेगावाटको घुन्सा खोला जलविद्युत आयोजना निर्माण थाल्ने बताए ।

७८३ मेगावाटको सुनकोसी तेस्रो निर्माण थाल्ने घोषणा गरे ।

१०६०० मेगावाटको कर्णाली चिसापानी जलविद्युत आयोनजना सरकारको प्राथमिकतमा परेको छ । निजी क्षेत्रबाट १०० मेगावाट सौर्य आयोजना प्रणालीमा जोड्ने सरकारको लक्ष्य छ । ऊर्जा क्षेत्रको विकास लागि ५० अर्ब ७४ करोड विनियोजन भएको छ ।