नबिल बैंकले ५ अर्ब रुपैयाँ बराबरको अग्राधिकार सेयर जारी गर्ने
![](https://clickmandu.com/wp-content/uploads/2021/10/nabil-bank--768x511.jpg)
काठमाडौं । नबिल बैंकले ५ अर्ब रुपैयाँ बराबरको अग्राधिकार सेयर निष्काशन गर्ने भएको छ । बैंकको बिहीबार बिहान बसेको सञ्चालक समितिको बैठकले ८ वर्षे अवधिका लागि पर्पेचुअल प्रकृत्तिको अग्राधिकार सेयर जारी गर्ने निर्णय गरेको हो ।
नियामक निकायले स्वीकृत दिएपछि मात्रै उक्त सेयर जारी गर्ने बैंकले जनाएको छ ।
बैंकका अनुसार प्रतिइकाइ १०० रुपैयाँ दरका ५ करोड इकाइ अर्थात् ५ अर्ब रुपैयाँ बराबरको अग्राधिकार सेयर निष्काशन गर्न लागिएको हो । उक्त इकाइ खरिद गर्नेहरुले मुनाफा भएको वर्ष ८ प्रतिशतका दरले लाभांश पाउने छन् ।
यसका साथै, बैंकले ‘८ प्रतिशत नबिल डिबेञ्चर २०७९’ पनि जारी गर्ने भएको छ ।
पछिल्लो समय प्राथमिक पुँजीकोष टाइट हुँदै गएपछि नबिल बैंकले अग्राधिकार सेयर जारी गरेर पुँजीकोष सजिलो बनाउने रणनीति लिएको देखिन्छ ।
![](https://clickmandu.com/wp-content/uploads/2024/03/431165018_381957907962459_8817811010443989633_n-612x768.jpg)