आईपीओ निष्कासन गर्दै माथिल्लो मैलुङ खोला जलविद्युत कम्पनी

काठमाडौं । माथिल्लो मैलुङ खोला जलविद्युत कम्पनीले सर्वसाधारणका लागि साधारण सेयर (आईपीओ) निष्कासन गर्ने भएको छ ।

कम्पनीले १५ करोड रुपैयाँको १५ लाख कित्ता सेयर निष्कासन गर्न लागेको हो । कम्पनीले १ लाख ५० हजार कित्ता वैदेशिक रोजगारीमा रहेका नेपाली, ७५ हजार कित्ता सामूहिक लगानी कोषका लागि बाँडफाँड गरिसकेको छ । बाँकी रहेको १२ लाख ७५ हजार कित्ता सेयर तथा आयोजना प्रभावित स्थानीयले नकिनेको ९ हजार २ सय कित्ता थप गरि १२ लाख ८४ हजार २०० कित्ता सेयर सर्वसाधारणलाई निष्कासन गर्ने भएको छ ।

आईपीओमा असोज १८ गतेदेखि २२ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेमा कात्तिक २ गतेसम्म आवेदन दिन सकिने छ । आईपीओमा न्यूनतम १० देखि अधिकतम १० हजार कित्तासम्म आवेदन दिन सकिने छ । आईपीओमा सी–आस्वा सदस्य बैंक तथा वित्तीय संस्था र मेरो सेयर मार्फत आवेदन दिन सकिने छ । यसको बिक्री प्रबन्धकमा सानिमा क्यापिटल रहेको छ ।