कोशी प्रदेशको मुख्यमन्त्रीमा उद्धव थापा नियुक्त

काठमाडौं । कोशी प्रदेशको मुख्यमन्त्रीमा उद्धव थापा नियुक्त भएका छन् । प्रदेश प्रमुख परशुराम खापुङले नेपाली कांग्रेस संसदीय दलका नेता थापालाई आज मुख्यमन्त्रीमा नियुक्त गरेका हुन् ।

थापाले आजै प्रदेशसभाका ४७ सदस्यको आफूलाई समर्थन रहेको भन्दै प्रदेश प्रमुखसमक्ष दाबी पेस गरेका थिए । उनलाई कांग्रेस, माओवादी केन्द्र, एकीकृत समाजवादी र जनता समाजवादी पार्टीका प्रदेशसभा सदस्यले समर्थन गरेका छन् ।

यसअघि पनि थापा मुख्यमन्त्रीमा नियुक्त भएका थिए । तर, सभामुखको हस्ताक्षर प्रयोग गरी सरकार गठन गरेका कारण २२ दिनमै मुख्यमन्त्रीबाट बर्खास्त भएका थापालाई प्रदेश प्रमुख परशुराम खापुङले आज दोस्रो पटक मुख्यमन्त्री नियुक्त गरेका हुन् ।

उनको नियुक्त सर्वोच्च अदालतले बदर गरिदिएको थियो ।