९७० को नम्बरका सिमकार्ड खुल्ला, सहजै सेवा उपलब्ध गराउन निर्देशन

काठमाडौं । नेपाल दूरसञ्चार प्राधिकरणले नेपालमा प्रयोग हुने नम्बरमा ९७० को नम्बरिङ्ग रेन्जका फोन नम्बरहरु खुल्ल गरेको छ ।

प्राधिकरणले सूचना प्रकाशित गर्दै नयाँ नम्बरिङ्ग रेन्ज ९७० का नम्बरहरु खुल्ला गरिएको जानकारी दिएको हो । अब प्रयोगकर्ताहरुले नयाँ सिमकार्ड लिँदा यो नम्बरिङ्ग रेन्जका सिमकार्ड लिन पाउनेछन् ।

प्राधिकरणले नयाँ नम्बरिङ्ग रेन्ज ९७० खुल्ला गरिएसँगै सोबाट सुरु भएका मोबाइल नम्बरहरुमा वान टाइम पासवर्ड ९ओटिपी० नआएको, मोबाइल एप र वेबमा आधारित सेवाहरु लिनका लागि साइनअप गर्दा समस्या भएको, वालेनहरु मार्फत कारोबार गर्दा समस्या आएको भन्दै गुनासो प्राप्त भएकाले सहजिकरण गर्न समेत सरोकारवालाहरुलाई निर्देशन दिएको छ ।

सूचनामा प्राधिकरणले भनेको छ, ‘यस प्राधिकरणबाट नयाँ नम्बरिङ रेन्ज खुल्ला गरिएको हुँदा उक्त ९७० बाट सुरु भएका मोबाइल नम्बरहरुमा वान टाइम पासवर्ड (ओटिपी) नआएको, मोबाइल एप र वेबमा आधारित सेवाहरु लिनका लागि साइनअप गर्दा समस्या भएको, वालेटहरु मार्फत कारोबार गर्दा प्राविधिक कठिनाई भएको लगायतका गुनासो तथा जानकारी प्राप्त भएको हुँदा उक्त मोबाइल नम्बरलाई पनि अन्य मोबाइल नम्बर सरह सेवाहरु उपलब्ध हुने व्यवस्था गर्नुहुन सम्बन्धित सबै सरोबारवालाहरुलई अनुरोध गरिएको छ ।’