दिवेश पोखरेलले गरे द क्लिफमा बन्जी जम्प

काठमाडौं । अमेरिकाको गायन रियालिटी शो अमेरिकन आइडलका फस्ट रनरअप दिवेश पोखरेल (अर्थर गन) कुश्मा पुगेर द क्लिफमा बन्जी गरेका छन् ।

साङ्गितिक कार्यक्रमका शिलशिलामा नेपाल आइपुगेका दिवेशले पोखराको कार्यक्रम सकेर आइतबार बन्जी गर्न गएका हुन् ।

‘नेपालमै रहेको बिश्वकै दोश्रो अग्लो बन्जीमा जम्प गर्न पाउँदा एकदमै खुशी छुु,’ दिवेशले भने, ‘सुरुमा डर लाग्ने भए पनि जम्प पछाडिको खुशी अद्भुत हुने रहेछ ।’

बिश्वकै अग्लो स्वीङ समेत सञ्चालन गर्दै आइरहेको द क्लिफको स्काइ साइक्लिङ, स्काइ क्याफे, गुलेली पिङ, हाइ रोप स्टेसन, स्काइ ग्लाइडिङ पनि अहिले युवाहरू माझ निकै लोकप्रिय छन्। उक्त क्षेत्रलाई एड्भेन्चर हबका रूपमा विकास गर्दै लगिएको र भविष्यमा अन्य गतिविधि समेत थपिने कार्कीले बताए ।