चीन आर्थिक मन्दीमा फस्दैछ ? हुवावेका संस्थापकले दिए संकटमा पुगेको प्रतिक्रिया

एजेन्सी । ‘आउँदो १० वर्ष इतिहासको सबैभन्दा पीडादायी अवधिको रूपमा आउनेछ । किनकि विश्व अर्थतन्त्र मन्दीमा जान्छ । हुवाबेले कुनै पनि अति आशावादी पूर्वानुमानलाई कम गर्न र आगामी तीन वर्षमा अस्तित्वलाई यसको सबैभन्दा महत्त्वपूर्ण कर्तव्य बनाउन आवश्यक छ’ चिनियाँ प्रविधि कम्पनी हुवाबेका संस्थापक रेन जेनजेइफीको यो भनाइले चीनमा यतिबेला बजार पिटिरहेको छ ।

विशेष आर्थिक केन्द्रका रुपमा परिचित हङकङ, सांघाइ र ग्वान्जाऊ जस्ता क्षेत्रमा त उनको भनाइले भूँइचालो नै आएको छ ।

चिनियाँ प्रविधि कम्पनी हुवाबेका संस्थापक रेन जेनजेइफीले सामाजिक सञ्जालमा सेयर गरेको एउटा पोस्टमा बहस भएपछि यसबारे खोजीनीति शुरु भएको छ । उनको नयाँ मेमो चीनको इन्टरनेटमा भाइरल भइरहेको छ ।

हुवावेका कर्मचारीहरूलाई सम्बोधन गरिएको संस्थापकको मेमोले विश्व आर्थिक मन्दीतर्फ गइरहेको उदास चित्रण गरेको टिप्पणी गरिएको छ ।

केहीले भने रेनको सन्देशले चीनको आर्थिक सम्भावनाको इमानदार पाठ सिकाएको र यो काम देशमा दुर्लभ रहेको बताएका छन् । हुवाबे टेक्नोलोजिजका संस्थापक रेन आफैंले सार्वजनिक गरेको भनिएको आन्तरिक मेमोमा भनिएको छ – विश्वव्यापी अर्थतन्त्रको अन्धो दृष्टिकोणले देशको व्यापार र प्रविधि क्षेत्रहरूमा असर पारेको छ ।

चिनियाँ मिडिया आउटलेटमा मंगलबार पहिलो पटक रिपोर्ट गरिएको मेमोले विश्व आर्थिक मन्दीतर्फ जाँदै गरेको उदास चित्रण गरेको छ । यसले कर्मचारीलाई कम्पनीको अस्तित्वमा ध्यान केन्द्रित गर्न र इच्छापूर्ण सोच त्याग्न आग्रह गरेको छ ।

हुवावेले मेमोको पुष्टि वा अस्वीकार गर्न इन्कार गरेको छ । तर स्रोतले पोस्टका बारेमा भनेको छ, ‘स्थानीय रूपमा व्यापक रिपोर्ट गरिएको र इन्टरनेटमा साझा गरिएको पाठ प्रामाणिक छ । यसमा कुनै शंका गर्नुपर्ने ठाँउ छैन ।’

७७ वर्षीय रेनले हुवावेका कर्मचारीलाई फर्मले व्यवसायिक संकटका बारेमा खोजी गरिरहेको कुरा सम्झाएको यो पहिलो पटक होइन । हुवावेका संस्थापक अध्यक्षले घुमाउरो रुपमा र एरिक जूले पनि सन् २०२०/२१ मा बारम्बार भनेका थिए- कम्पनीको लक्ष्य अमेरिकी प्रतिबन्धमा बाँच्ने नै हो । जसले अमेरिकी मूलको टेक्नोलोजी, जस्तै उन्नत स्मार्टफोन चिप्समा यसको पहुँचलाई रोकिएको थियो ।

जे होस्, रेनको नयाँ चेतावनीहरू ताजा चुनौतीको बीचमा आउँछन् । किनकि चिनियाँ अर्थतन्त्र दशकौंमा सबैभन्दा खराब अवस्थामा रहेको जनाइएको छ । बेइजिङले कोभिड–१९ नियन्त्रणको कडा प्रयास जारी राखेको छ ।

चीनको कूल गार्हस्थ उत्पादन (जीडीपी) दोस्रो त्रैमासिकमा मात्र ०.४ प्रतिशतले बढेको छ । सन् २०२० को पहिलो त्रैमासिकपछि सबैभन्दा खराब अवस्था देखा परेको छ । कोरोनाभाइरसले देशको ठूलो आर्थिक क्षेत्र बन्द भएपछि जीडीपी ६.८ प्रतिशतले घटेको छ ।

हुवाबेले सन् २०२२ को पहिलो ६ महिनामा आफ्नो राजस्व थप संकुचित भएको देख्यो । जुन एक वर्ष अघिको तुलनामा ५.९ प्रतिशतले घटेर ३०१.६ बिलियन युआन (अमेरिकी डलर ४४.७ बिलियन) मा पुगेको छ ।

जबकि यसको खुद नाफा मार्जिन ५ प्रतिशतमा झरेको छ, जुन अघिल्लो वर्षको सोही अवधिमा ९.८ प्रतिशत थियो ।

रेनको मेमोले चीनमा चर्को बहसको सिर्जना गरेको छ किनभने यसले देशको आर्थिक सम्भावनाको यथार्थपरक अवस्थाका बारेमा अध्ययन गर्न प्रस्ताव गरेको छ ।

इमानदारीका साथ आफ्नो व्यापारिक प्रदर्शन गर्नुभन्दा पनि जुन देशमा असामान्य अवस्था छ त्यसले संकटको पूर्वाभ्यास त गर्छ नै एक अध्येता समूहका वरिष्ठ विश्लेषक इभान लामको टिप्पणी छ ।

‘कम्पनीले आफ्नो समस्यालाई सिधै औंल्याउनु नै दुर्लभ विषय हो । मानिस मौनता तोड्ने इच्छुक प्रभावशाली व्यक्तित्वको प्रतिक्षामा छन्,’ लामले भने, ‘धेरै कम्पनीका कार्यकारीहरूले आफ्नो आयमा संकटको असरले छोएको देखेका छन् । तर, तिनीहरू सामान्यतया आफ्नो व्यापार प्रदर्शन र आसन्न रिकभरीको लागि आशावादमा केन्द्रित छन् । स्पष्ट रूपमा मानिसले सोचेका थिएनन् कि यो पर्याप्त मात्रामा नै छ ।’

रेनको मेमो मंगलबार माइक्रो ब्लगिङ प्लेटफर्म वेइबोमा ट्रेन्डिङ बनेको छ । किनभने उनका केही उद्धरणहरू, जसमा मेमोको लेखिएको ‘सबैलाई चिल पठाउने’ भन्ने अर्थमा वर्णन गरिएको थियो । जसमा व्यापक ध्यानाकर्षण भएको छ ।

‘आर्थिक मन्दीले चीनका धेरैजसो सर्वसाधारण र निजी कम्पनीमा अभूतपूर्व चुनौती थपेको छ’ वेइबोमा सबैभन्दा लोकप्रिय टिप्पणीहरू मध्ये एकले भने ‘जब हुवाबे जस्तो विशाल कम्पनीले यो मुद्दा उठाइरहेको छ। यसले समस्याको गम्भीरताको बारेमा धेरै मात्रामा बोलेको छ ।’

बढ्दो चीन–अमेरिका तनाव, साथै विश्वव्यापी केन्द्रीय बैंकहरूले कडा मौद्रिक नीति र युआनको अवमूल्यनका बीचमा संकट बढेर गएको छ ।

मुख्य क्षेत्र मानिएको सेयर बजारमा पहिरो गएको छ । बुधबार बेन्चमार्क सांघाई कम्पोजिट सूचकांक १.८६ प्रतिशत र शेन्जेन कम्पोनेन्ट इन्डेक्स २.८८ प्रतिशतले घटेको थियो ।

अन्य इन्टरनेट प्रयोगकर्ताले कर्मचारीको बोनस कटौती गर्ने रेनको निर्णयको आलोचना गरेका छन् ।

कम्पनीले राम्रो गरिरहेको बेला धेरैजसो कामदारहरूले मिल्दो सहयोग र पुरस्कार पाएनन् । त्यसैले कृपया हामीलाई ‘चिल नपठाउनुहोस्’ भन्ने एउटा टिप्पणीमा धेरै विषय केन्द्रीत रह्यो ।

रेन, जो विश्वको सबैभन्दा ठूलो दूरसञ्चार उपकरण निर्माताको निर्विवाद नेता हुन् । उनी थोरै संख्यामा चिनियाँ अर्बपति टाइकुनमा सामेल हुन्छन् । जसले आफ्नो व्यापार संघर्ष र अर्थव्यवस्थाको दृष्टिकोणको बारेमा बोलेका छन् ।

चिनियाँ इन्टरनेट सञ्जाल टेन्सेन्ट होल्डिङ्सका रिटेन्ट संस्थापक हुआटेङले मे महिनामा बेइजिङको गतिशील शून्य–कोविड–१९ नीति अन्तर्गत देशको आर्थिक कठिनाइको बारेमा अनलाइन छलफल सुरु गरेका छन् । उनले चिनियाँ प्रविधि उद्योगको देखिएको संघर्षलाई नयाँ स्वरुपमा उठाउनु आवश्यक भएको बताएका छन् ।

स्मार्टफोन जाइन्ट साओमीका संस्थापक लेइ जुनले यस महिनाको सुरुमा उत्पादन प्रक्षेपण कार्यक्रममा एक प्रेरक भाषण दिएका थिए । त्यसमा उनले आफ्ना विगतका संघर्षहरू सम्झाए र मानिसहरूलाई लचिलोपनका साथ भविष्यका चुनौतीको सामना गर्न प्रोत्साहित गरेका थिए ।

अनलाइन डेलिभरी सेवा प्लेटफर्म मीटुआनका संस्थापक वाङ जिङले आफ्नो सामाजिक सञ्जालमा २०१८ को अन्त्यमा पोस्ट गरिएको एक धारणालाई पुनः पोष्ट गरेका थिए । जसमा भनिएको छ, ‘त्यो वर्ष अघिल्लो दशकको सबैभन्दा खराब तर अर्को दशकको उत्कृष्ट हुनेछ ।’