आँधीखोलाकाे अध्यक्ष र उपाध्यक्षमा एमाले निर्वाचित

काठमाडौं । स्याङ्जाको आँधीखोला गाउँपालिकाको अध्यक्ष र उपाध्यक्षमा नेकपा (एमाले)का उम्मेदवार विजयी भएका छन् ।

एमालेका विश्वनाथ पौडेलले नेपाली कांग्रेसका प्रेमराज पौडेललाई पराजित गर्दै अध्यक्षमा निर्वाचित भएका छन् ।

पौडेलले ५ हजार १७७ मत प्राप्त गरेका छन् । उनका प्रतिस्पर्धी कांग्रेसका पौडेलले ४ हजार ३५१ मत प्राप्त गरेका छन् । यस्तै उपाध्यक्षमा एमालेको सीता थापा निर्वाचित भएका छिन् ।

उनले ५ हजार २७३ मतले विजयी भएका छन् । प्रतिस्पर्धी नेकपा (एकीकृत समाजवादी)का रामप्रसाद पौडेलले तीन हजार ८१७ मत प्राप्त गरेका छन् ।

६ वडा रहेको गाउँपालिकाको १, २, ४ र ५ मा एमालेका उम्मेदवार विजयी भएका छन् । ३ र ६ वडामा कांग्रेसका अध्यक्ष निर्वाचित भएका छन् ।

१६ हजार २५० मतदाता रहेको आँधीखोलामा १० हजार ८२५ ले मतदान गरेका थिए । २०७४ को स्थानीय तह निर्वाचनमा आँधीखोला गाउँपालिकाको अध्यक्ष, उपाध्यक्षसहित सबै वडामा एमाले विजयी भएको थियो ।