रुससँग वार्ताका लागि युक्रेनी प्रतिनिधिमण्डल बेलारुसमा

रुससँग वार्ताका लागि युक्रेनी प्रतिनिधिमण्डल अहिले बेलारुस पुगेका छ ।

रुसको सरकारी समाचार एजेन्सी स्पुतनिकले सोमबार युक्रेनका पाँच सदस्यीय प्रतिनिधिमण्डल वार्ताका लागी बेलारुस पुगेका हो ।

रसियाका राष्ट्रपति भ्लादिमिर पुटिनले गत बिहीबार बिहान छिमेकी मुलुक युक्रेनमाथि सैन्य आक्रमणको घोषणा गरेका थिए।

टेलिभिजनबाट प्रत्यक्ष सम्बोधन गर्दै राष्ट्रपति पुटिनले युक्रेनको पूर्वीक्षेत्रमा आक्रमण केन्द्रित गरिएको र त्यो रसियाको आत्मरक्षाका लागि भएको दाबी गरेका थिए।

रुसले आक्रमण गरेयता १०औं हजार युक्रेनी देश छोडेर भागेका छन्। संयुक्त राष्ट्रसङ्घ शरणार्थी निकाय यूएनएचसीआरले बताएअनुसार अहिलेसम्म कम्तीमा तीन लाख ७० हजार मानिसहरू युद्धबाट बच्न विभिन्न विदेशी मुलुकमा शरण लिन पुगेका छन्।

स्थिति थप खराब बनेको खण्डमा यूएनएचसीआरले ४० लाखसम्म युक्रेनी शरणार्थीलाई व्यवस्थापन गर्ने योजना बनाएको छ।

पोल्याण्ड, रोमानिया, हङ्गेरी र माल्दोभामा यूक्रेनी नागरिकहरूले शरण लिएका प्रारम्भिक सूचना छ। रासस/सिन्ह्वा