राजस्व छल्ने सत्यम शिवम कन्सट्रक्सनका सञ्चालक विरुद्ध १ करोड दाबी गर्दै मुद्दा दर्ता

काठमाडौं । राजस्व अनुसन्धान विभागले कर छली गर्ने सत्यम शिवम कन्सट्रक्सनका २ जना सञ्चालकलाई मुद्दा दायर गरेको छ ।

विभागले १ करोड १ लाख ५२ हजार ३८६ रुपैयाँ माग दाबी गर्दै उच्च अदालत पाटनमा मुद्दा दायर गरेको हो । विभागका अनुसार सिन्धुपाल्चोक जिल्ला लिसंखुपाखर गाउँपालिका-७ हाल काठमाडौं बुढानिलकण्ठ नगरपालिका-२ बस्ने सत्यम शिवम कन्सट्रक्सनका का संचालकद्वय रामकुमार प्याकुरेल र संगीता कुमारी झा विरुद्ध मुद्दा दर्ता गरेको जानकारी गराएको छ ।

उनीहरुले वस्तु तथा सेवा खरिद नै नगरी झुठ्ठा तथा नक्कली मुल्य अभिवृद्धि कर विजक मात्र खरिद गरी मूल्य अभिवृद्धि कर र आयकर समेतको राजस्व चुहावटको कसूर गरेको देखिएको छ ।