नेप्सेमा नयाँ रेकर्ड, कारोबार रकम करिब १९ अर्ब

काठमाडौं । सोमबार सेयर बजारमा लगानीकर्ताको उत्साह बढ्दै गएको छ । बुलिस ट्रेन्डलाई पछ्याँदै नेप्से परिसूचकले एतिहासिक विन्दुमा पुगेर बन्द भएको छ । सोमबारको कारोबारमा ४२.२४ अंकले बढेर नेप्से परिसूचक उच्च विन्दु ३०२५.३४ अंकमा बन्द भएको छ ।

यो दिन ३ करोड ५० लाख २७ हजार ३६३ कित्ता सेयर १८ अर्ब ८८ करोड ४० लाख ३१ हजार ५१८ रुपैयाँमा कारोबार भएको छ । यो दिन ११२ वटा कम्पनीको सेयर मूल्य बढ्दा ९९ वटा कम्पनीको सेयर मूल्यमा गिरावट देखिएको छ । साथै १० वटा कम्पनीको सेयर मूल्य स्थिर छ ।

यो दिन लगानीकर्ताले होटल एन्ड टुरिजम उपसमूह ४.२५ प्रतिशतले बढाएका छन् भने बैंकिङ सब इन्डेक्स २.७२ प्रतिशत, इन्भेष्टमेन्ट सबइन्डेक्स ३.३६ प्रतिशत र म्यानुफ्याक्चरिङ एन्ड प्रोसेसिङ सब इन्डेक्स २.२७ प्रतिशतले वृद्धि भएको छ ।

त्यसेगरी नेपाल इन्स्योरेन्स, खानीखोला हाइड्रोपावर, जोशी हाइड्रोपावर र घलेम्दी हाइड्रोको सेयर मूल्य १० प्रतिशत सकारात्मक सर्किट लागेको छ भने अन्य एक दर्जनभन्दा बढी कम्पनीको सेयर मूल्य ९ प्रतिशतभन्दा बढीले वृद्धि भएको छ ।

त्यसैगरी सबैभन्दा बढी गुमाउने कम्पनीहरुमा माउन्टेन हाइड्रो नेपाल, अरुण भ्याली हाइड्रोपावर डेभलपमेन्ट कम्पनी, युनाइटेड मोदी हाइड्रोपावर, गुडविल फाइनान्स र ग्रीन लाइफ हाइड्रोपावर कम्पनी छन् ।