मन्त्रिपरिषद पुनर्गठन, एमालेका यी मन्त्री भए पदमुक्त

काठमाडौं । प्रधानमन्त्री केपी शर्मा ओलीले शुक्रबार मन्त्रिपरिषद बिस्तार गरेका  छन् । जसमा जनता समाजवादी पार्टीबाट राजेन्द्र महतोको नेतृत्वमा सरकारमा सहभागी भएका छन् ।

महतो उपप्रधानमन्त्री तथा सहरी विकास मन्त्री भएका छन् ।

साथै शरदसिंह भण्डारीले उर्जा, जलस्रोत तथा सिँचाइ मन्त्रालय अनिल झाले खानेपानी मन्त्रालय, लक्ष्मणलाल कर्णले भूमि व्यवस्था, सहकारी तथा गरिबी निवारण मन्त्रालय, विमल श्रीवास्तवले श्रम, रोजगार तथा सामाजिक सुरक्षा मन्त्रीलय र उमाशंकर अरगरिया सस्कृति तथा पर्यटन मन्त्रालय सम्हाल्नेछन् ।

साथै चन्दा चौधरीले महिला, बालबालिका तथा ज्येष्ठ नागरिक मन्त्रालय र एकवाल मियालेयुवा तथा खेलकुद मन्त्रालयको जिम्मेवारी तोकिएको छ ।

त्यसैगरी चन्द्रकान्त चौधरी उर्जा राज्यमन्त्री र रेनुका गुरुङ महिला बालबालिका राज्यमन्त्रीमा नियुक्त भएका छन् ।

प्रधानमन्त्री केपी शर्मा ओलीले रक्षा, गृह, सञ्चार, कृषि, उद्योग वाणिज्य र सामान्य प्रशासन मन्त्रालय आफूसँगै राखेका छन् ।

एमालेका यी मन्त्रीको पद गयो

प्रधानमन्त्री केपी शर्मा ओलीले मन्त्रिमण्डल बिस्तारका क्रममा ४ जनाबाहेक अन्य एमालेबाट भएका मन्त्रीहरुलाई पदबाट हटाएका छन् ।

अर्थमन्त्री विष्ण पौडेल, भौतिक पूर्वाधार तथा यातायात मन्त्री वसन्त नेम्वाङ, शिक्षामन्त्री कृष्णगोपाल श्रेष्ठ र कानूनमन्त्री लिलानाथश्रेष्ठबाहेक सबै मन्त्री पदमुक्त भएका छन् ।

त्यसैगरी विष्णु पौडेल र रघुविर महासेठ उपप्रधानमन्त्री हुनेछन् । महासेठ परराष्ट्रमन्त्री र शेरबहादुर तामाङ स्वास्थ्य मन्त्री हुने भएका छन् ।

हृदेयश त्रिपाठी, ईश्वर पोखरेल, प्रदीप ज्ञवाली, प्रेम आले, पद्म अर्या, 

लेखराज भट्ट, भानुभक्त ढकाल, पार्वत गुरुङ, शिवमाया तुम्बाहाम्फे, गणेशसिंह ठगुन्ना, जुली महतो र राज्यमन्त्रीहरु नवराज महत, रामवीर मानन्धर र विमला विक पदमुक्त भएका छन् ।