३ महिनामा जीवन बीमा कम्पनीका नाफा २४.२८ प्रतिशतले बढ्यो, कसको कति ?

काठमाडौं । चालु आर्थिक वर्षको पहिलो त्रैमासमा १९ वटा जीवन बीमा कम्पनीको नाफामा सुधार आएको छ । यसवर्ष जीवन बीमा कम्पनीको नाफा २४.२८ प्रतिशतले बढेको छ ।
यो तीन महिनाको अवधिमा केही बाहेक सबै जीवन बीमा कम्पनीको नाफामा सुधार आएको छ ।

यो अवधिमा जीवन बीमा कम्पनीको व्यवसाय विस्तारमा धेरै असर नपरेको देखिएको छ । यो अवधिमा सरकारी स्वामित्वसहित तीन वटा जीवन बीमा कम्पनीको नाफामा संकुचन आएको छ । बाँकी कम्पनीको नाफा भने सन्तोषजनक छ ।

सम्बन्धित कम्पनीहरुले प्रकाशित गरेको वित्तीय विवरण अनुसार सन नेपाल, यूनियन र राष्ट्रिय बीमा संस्थानको नाफामा गिरावट आएको छ भने बाँकी कम्पनीको नाफामा सुधार आएको छ । १९ वटामध्ये १६ वटा जीवन बीमा कम्पनीको नाफामा निकै सुधार देखिएको छ ।

यो अवधिमा सन नेपाल लाइफ इन्स्योरेन्सको नाफा गत आवको पहिलो त्रैमासको तुलनामा १२.२३, यूनियन लाइफ इन्स्योरेन्सले ५६.५३ र राष्ट्रिय बीमा संस्थानको नाफामा ४१.२३ प्रतिशतले घटेको छ । बाँकी रहेका कम्पनीको नाफामा सुधार आएको छ ।

यो अवधिमा बीमा कम्पनीहरुले नयाँ पोजिसी बिक्री गर्नु भन्दा पनि पोलिसी नविकरणले बढी साथ दिएको छ । तर कोरोनासँगैको खुला भएको लकडाउनसँगै कम्पनीहरुले नयाँ पोलिसी बिक्री बढाएका छन् ।

जसका कारण कम्पनीको नाफा पनि बढेको छ । यो अवधिमा सबैभन्दा बढी नाफा बढाउने जीवन बीमा कम्पनीमा प्रभु लाइफ इन्स्योरेन्स छ । इन्स्योरेन्सले यो अवधिमा आफ्नो नाफा १५१.५३ प्रतिशतले बढेको छ ।

यस्तै एलआईसीले १४४.६४, एशियन लाइफ इन्स्योरेन्सको १३३.७५ प्रतिशतले नाफा बढेको छ ।

यता कारोबार रकमको आधारमा नेपाल लाइफ इन्स्योरेन्स रहेको छ । नेपाल लाइफले २२ करोड ९० लाख रुपैयाँ रहेको छ । १९ वटा जीवन बीमा कम्पनीमा यो सबैभन्दा बढी हो । चालु आवको पहिलो त्रैमासमा ४ वटा कम्पनीको मात्रै नाफा १० करोड माथि रहेको छ । जसमा नेपाल लाइफको २२ करोड ९० लाख, प्राइम लाइफको १२ करोड ७ लाख ७४ करोड, नेशनल लाइफको ११ करोड ८३ लाख ७१ हजार र सूर्या लाइफ इन्स्योरेन्सको नाफा १० करोड १६ लाख १० हजार रुपैयाँ छ ।

यो अवधिमा सबैभन्दा कम नाफा आर्जन गर्ने जीवन बीमा कम्पनीमा प्रभु लाइफ इन्स्योरेन्स छ । इन्स्योरेन्सले जम्मा १ करोड २२ लाख ९४ हजार रुपैयाँ रहेको छ ।