४ अर्ब ३१ करोडको आइपीओ पाइपलाइनमा, डिशहोमदेखि मध्यभोटेकोशी बोर्डको अनुमति कुर्दै
काठमाडौं । सेयर बजारमा ४ अर्ब ३१ करोड १४ लाख ३७ हजार ७२० रुपैयाँको ४ करोड ३० लाख ३२ हजार ८३६ कित्ता आईपीओ धितोपत्र बोर्डको पाइप लाइनमा रहेको छ ।
धितोपत्र बोर्डको पाइप लाइनमा रहेको कम्पनीहरुमा अधिकांश जलविद्युत कम्पनी नै रहेका छन् । एउटा इन्स्योरेन्स कम्पनी र एउटा माइक्रोफाइनान्स कम्पनी रहेको छ ।
केही समय अघिसम्म जलविद्युत कम्पनीको सेयरमा गिरावट आएपनि अहिले भने कम्पनीको सेयर मूल्यमा बढोत्तरी देखिएसँगै यसतर्फ पनि लगानीकर्ताको ध्यान जान थालेको छ । अहिले बोर्डको पाइपलाइनमा नै ९ वटा जलविद्युत कम्पनी रहेका छन् ।
पछिल्लो समयमा बजार बढदै जाँदा र जलविद्युत कम्पनीको सेयर पनि बढन थालेपछि हाईड्रो पावर कम्पनीको आईपीओमा माग भन्दा कयौं गुणा बढी आवेदन पर्ने गरेको छ । जसले गर्दा अब हाईड्रो पावरको आईपीओ पनि पर्नको लागि लक्की ड्र गर्नु पर्ने भएको छ । केही समय अघिसम्म हाईड्रो पावरमा माग अुनसार पनि आवेदन नपर्ने र बिक्री प्रबन्धकले सकार्नुपर्ने स्थिती थियो । अहिले त्यो क्रम रोकिएको छ ।
जसले गर्दा नयाँ आउने जलविद्युत कम्पनीलाई पनि आईपीओ जारी गर्न उत्साह बढेको देखिन्छ ।
पाइप लाइनमा रहेका कम्पनीमा सिईडीबी हाईड्रोपावर डेभलपमेन्ट कम्पनी २०७४ साल असार २७ गते देखि नै बोर्डको पाइप लाइनमा रहेको छ । यस्तै मैलुङ खोला जलविद्युत कम्पनीको पनि २०७४ असोज २० गते बोर्डमा दर्ता भएको थियो ।
बोर्डको पाइपलाइनमा रहेका कम्पनीहरुमध्ये सबै भन्दा बढी मध्ये भोटेकोशी जलविद्युत कम्पनीको १ अर्ब ५० करोड रुपैयाँको १ करोड ५० लाख कित्ता र यस्तै सबैभन्दा कम सिबीआईएल क्यापिटलले ३ लाख कित्ता साधारण सेयर ल्याउने तयारी गरेको छ ।
यस्तै बीमा कम्पनी तर्फ प्रभु लाइफ इन्स्योरेन्सको ६० करोड रुपैयाँको ६० लाख कित्ता बोर्डको पाइप लाइनमा रहेको छ । माइक्रोफाइनान्स तर्फ महिला लघुवित्त वित्तीय संस्थाको ४ करोड रुपैयाँको ४ लाख कित्ता रहेको छ ।
डिशहोम समेत आइपीओ जारी गर्नको लागि धितोपत्र बोर्डको अनुमति कुरेको छ ।
| company | Number of Share | amount |
| Ru Ru Jalabidhyut Pariyoajana | 815,411 | 89,695,220 |
| Singati Hydro Energy | 4,350,000 | 435,000,000 |
| Prabhu Life Insurance | 6,000,000 | 600,000,000 |
| Shuvam Power Ltd. | 580,580 | 58,058,000 |
| Emerging Nepal Limited | 500,000 | 50,000,000 |
| Greenlife Hydropower | 3,496,400 | 349,640,000 |
| Mahila Laghubitta Bittiya Sanstha | 400,000 | 40,000,000 |
| Bindhyabasini Hydropower Development | 2,500,000 | 250,000,000 |
| CBIL Capital | 300,000 | 30,000,000 |
| Mailung Khola Jal Vidhyut Co. | 736,286 | 73,628,600 |
| Dish Media Network | 2,385,929 | 238,592,900 |
| CEDB Hydropower Development | 2,518,230 | 251,823,000 |
| Himalayan Hydropowe | 2,250,000 | 225,000,000 |
| Terhathum Power Company | 1,200,000 | 120,000,000 |
| Madhya Bhotekoshi Jalvidyut Co. | 15,000,000 | 1,500,000,000 |
| Total | 43,032,836 | 4,311,437,720 |
क्लिकमान्डु
