बढ्यो सुनको मूल्य

काठमाडौं । बुधबार सुनको मूल्य प्रतितोला १ सय रुपैयाँले बढेको छ । मंगलबार छापावाला सुनको मूल्य प्रतितोला ९४ हजार ८ सय रुपैयाँमा खरिद बिक्री भएको थियो ।

बुधबार छापावाला सुनको मूल्य प्रतितोला ९४ हजार ९ सय रुपैयाँले खरिद बिक्री भइरहेको नेपाल सुनचाँदी व्यवसायी संघले जनाएको छ ।

त्यसैगरी, तेजावी सुनको प्रति तोलाको मूल्य ९४ हजार ४ सय रुपैयाँ रहेको छ । साथै, चाँदी प्रतितोला १२ सय २० रुपैयाँमा खरिद बिक्री भइरहेको छ ।