४ महिनामा हाइड्रोपावरका लगानीकर्ता मालामाल, हाइड्रोको सेयर अंकित मूल्यभन्दा कममा नपाइने

काठमाडौं । नेपाल स्टक एक्सचेन्ज (नेप्से)मा सूचीकृत ३५ वटा जलविद्युत कम्पनीमा साउन ५ गतेसम्म १६ वटा कम्पनीको सेयर मूल्य प्रति कित्ता सय रुपैयाँ भन्दा पनि कम थियो । सवा तीन महिनाको अन्तरमा जलविद्युत कम्पनीका लगानीगर्ने लगानीकर्ताले मनग्य आम्दानी गरेका छन् ।

यो बीचमा जलविद्युत कम्पनीको लगानीगर्ने लगानीकर्ताको प्रतिफल मनग्य बढेको छ । साउन पहिलो साता १६ वटा कम्पनीको सेयर मूल्य लगानीको आधा भन्दा पनि कम रहेको थियो । त्यो समयमा सबैभन्दा कम खानीखोला हाईड्रो र आँखुखोला जलविद्युत कम्पनीको सेयर मूल्य प्रतिकित्ता ४८/४८ रुपैयाँ रहेको थियो ।

यो अवधिमा बढेर प्रतिकित्ता क्रमशः १२१ र १२० रुपैयाँ रहेको छ । यो अवधिमा सेयर मूल्य प्रतिकित्ता ७३ र ७२ रुपैयाँले बढेको छ । त्यो समयमा प्रतिकित्ता एक सय रुपैयाँ भन्दा कम भएका कम्पनीमा अहिले २ वटा कम्पनीको सेयर मूल्य प्रतिकित्ता २ सय वा सो भन्दा बढी पुगेको छ । यो अवधिमा सबैभन्दा बढी अरुण भ्याली हाईड्रोपावरको सेयर मूल्य प्रतिकित्ता १६३ रुपैयाँले बढेको छ ।

अन्य कम्पनीको सेयर मूल्यमा पनि धेरै नै सुधार रहेको छ । अहिले कुनै पनि कम्पनीको सेयर मूल्य एक सय रुपैयाँ भन्दा कम छैन । जानकारका अनुसार यो अवधिमा कम्पनीको सेयर मूल्य बढनुको विविध कारणमध्ये एउटा हो बैंक ब्याजदर कम हुनु । बैंक तथा वित्तीय संस्थाको ब्याजदर कम भएसँगै जलविद्युत क्षेत्रमा हुने लगानी घटने भएसँगै बजारमा लगानीकर्ताको ध्यान गएको देखिएको छ ।
कम्पनीको लागत कम भएसँगै यसले दिने प्रतिफल छिटो आउने र धेरै हुुने भएपछि लगानीकर्ताको ध्यान गएको छ ।

यस्तै पछिल्लो समयमा लगानीकर्ताको ध्यान सस्ता कम्पनीका गएको छ । जसको कारण लगानीकर्ता जलविद्युत कम्पनीतर्फ लागे, त्यसैले पनि बजार बढेको हो । केही समय लागनीकर्ताको ध्यान सस्ता कम्पनीमा गएपछि जलविद्युत समूहका केही कम्पनीमा सकारात्मक सर्किट समेत लागेको थियो ।

विगत ४ महिना यताको जलविद्युत समूहको उपसूचक ४६१.७७ अंकले बढेको छ । यसले पनि जलविद्युत समूहको उपसूचकमा लगानीकर्ताको चाम निकै रहेको देखिएको छ । जसको कारण जलविद्युत कम्पनीका लगानीगरेर पछुताएका लगानीकर्ता पछिल्लो समय निकै उत्साहित भएका छन् ।