पछिल्लो २४ घण्टामा ५७४३ संक्रमित थपिए, हालसम्म करिब १ लाख निको भए

काठमाडौं । स्वास्थ्य मन्त्रालयका अनुसार पछिल्लो २४ घण्टामा नेपालमा ५ हजार ७४३ जना कोरोना संक्रमित थपिएका छन् । भने काठमाडौं उपत्यकामा मात्रै ३ हजार १०७ जना संक्रमति थपिएका छन् ।

यो संख्यासँगै हालसम्म कुल संक्रमितको संख्या १ लाख ४४ हजार ८७२ जना संक्रमित पुगेका छन् । जसमध्ये ९९ हजार ६०५ जना उपचारपछि निको भएका छन् ।

हालसम्म ७९१ जना कोरोना संक्रमितको मृत्यु भइसकेको छ । हाल ४४ हजार ४७६ जना संक्रमित आइसोलेसनमा छन् ।