वार्षिकोत्सवमा सनराइज बैंकद्वारा बाल मन्दिरलाई सहयोग

काठमाडौं । सनराइज बैंकले १३ औं वार्षिकोत्सवको अवसरमा संस्थागत सामाजिक उत्तरदायित्व अन्तर्गत बाल मन्दिरमा सहयोग गरेको छ ।

बैंकको कार्यालय गैरीधारामा भएको कार्यक्रममा प्रमुख कार्यकारी अधिकृत जनक शर्मा पौड्यालले नेपाल बाल संगठन, बाल मन्दिरका अध्यक्ष विद्या उपाध्याय न्यौपानेलार्ई १ लाख ५० हजार रुपैयाँ हस्तान्तरण गरेका हुन ।

बैंकले सधै झै आफ्नो वार्षिकोत्सवमा नेपाल बाल संगठनलाई आवश्यक खाद्य सामाग्री, लताकपडा वितरण गदै आएको छ । बाल हेरचाह, अनाथ, पिछडिएको, द्वन्द्व प्रभावित आदि बच्चाहरूको लागि शिक्षामा केन्द्रित सो संस्थालाई आउँदा वर्षमा पनि सहयोग गर्दै जाने बैंकले प्रतिबद्धता जनाएको छ ।