सुनको मूल्य प्रतितोला २ सयले घट्यो

काठमाडौं । बुधबार प्रतितोला ८ सय रुपैयाँले घटेको सुन आज पनि प्रतितोला २ सय रुपैयाँले घटेको छ । बुधबार ९४ हजार १ सय रूपैयाँमा छापावाला सुन खरिद बिक्री भएको थियो ।

बिहिबार छापावाला सुनको प्रतितोला ९३ हजार ९ सय रूपैयाँमा खरिद बिक्री भएको नेपाल सुनचाँदी व्यवसायी संघले जनाएको छ ।

त्यसैगरी, तेजावी सुनको प्रति तोलाको मूल्य ९३ हजार ४ रुपैयाँ रहेको छ । साथै, चाँदी प्रतितोला ११ सय ८० रुपैयाँमा खरिद बिक्री भइरहेको छ ।