सुनको मूल्य प्रतितोला २ सयले बढ्यो

काठमाडौं । सुनको मूल्य आज प्रतितोला २ सय रुपैयाँले बढेको छ । शुक्रबार ९४ हजार ३ सय रूपैयाँमा छापावाला सुन खरिद बिक्री भएको थियो ।

आज छापावाला सुनको प्रतितोला ९४ हजार ५ सय रूपैयाँमा खरिद बिक्रि भएको नेपाल सुनचाँदी व्यवसायी संघले जनाएको छ ।

त्यसैगरी, तेजावी सुनको प्रति तोलाको मूल्य ९४ हजार रुपैयाँ रहेको छ । साथै, चाँदी प्रतितोला १ हजार १ सय ८० रुपैयाँमा खरिद बिक्री भइरहेको छ ।