लकडाउनमा जुवा खेल्दा मध्यरातमा यसरी पक्राउ परेका थिए अर्बपति व्यापारीहरु (भिडियोसहित)

काठमाडौं । लकडाउनको बेला जुवा खेलेको आरोपमा प्रहरीले अर्बपति व्यापारीलाई सोमबार राती पक्राउ गरेको थियो ।

प्रहरीले कमलादीमा रहेको रिजेन्सी बुटिक होटलको १०४ नम्बर कोठामा जुवातास खेलेको आरोपमा पक्राउ गरेको हो ।

पक्राउ पर्नेहरुमा काठमाडौं पानीपोखरी बस्ने ५९ वर्षीय पुरुषोत्तम अग्रवाल, पुतलीसडक बस्ने ६० वर्षीय रामचन्द्र सांघाई, बानेश्वर बस्ने ६५ वर्षीय सुरेश अग्रवाल, डिल्लीबजार बस्ने ६३ वर्षीय नन्द किशोर शर्मा, लाजिम्पाट बस्ने ५८ वर्षीय अशोक अग्रवाल, पुतलीसडक बस्ने ६१ वर्षीय गोबिन्द अग्रवाल, सामाखुशी बस्ने ३६ वर्षीय निकी जोगाई, ललितपुर सानेपा बस्ने ६० वर्षीय बिमल खेतान र भक्तपुरको मध्यपुर ठिमी बस्ने ५९ वर्षीय विमल अभुजा रहेका छन् ।

महानगरीय प्रहरी वृत्त दरबारमार्गबाट खटिएको प्रहरीले नगद २ लाख ७७ हजार ७ यस ७ रुपैयाँ, क्वाइन १ सय ७९ वटा र ५ बुक ताससहित उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ । उनीहरुलाई जुवा ऐन अनुसार कारवाही प्रक्रिया अगाडि बढ्ने छ ।