थप ३ जनामा कोरोना पुष्टि, कुल संख्या ४५ पुग्यो

काठमाडौं । बुधबार थप ३ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयका अनुसार बुधबार थप ३ जनामा कारोना भाइरस पुष्टि भएसँगै नेपालमा कोरोना भाइरस संक्रमित हुनेको संख्या ४५ पुगेको छ ।

धरानस्थित विपी कोइराला स्वास्थ्य विज्ञान प्रतिष्ठानको प्रयोगशालामा गरिएको परीक्षणमा २ जनामा कोरोना भाइरसको संक्रमण पुष्टि भएको हो ।

संक्रमितहरु क्रमशः २४, ६० र ७२ वर्षे रहेको स्वास्थ्य मन्त्रालयले जानकारी दिएको छ । हालसम्म नेपालमा ७ जना निको भइसकेका छन् ।