सोमबार थप २ जनामा कोरोना संक्रमण पुष्टि, संख्या १४ पुग्यो

काठमाडौं । नेपालमा कोरोना भाइरसको संक्रमण देखिने मानिसहरुको संख्या १४ पुगेको छ । स्वास्थ्य मन्त्रालयले सोमबार थप २ जनामा कोरोना संक्रमण पुष्टि भएको हो ।

स्वास्थ्य मन्त्रालयका प्रवक्ता डा. विजय देवकोटाका अनुसार कैलाली जिल्लाको लम्किचुवा नगरपालिकाको क्वारेन्टाइनमा रहेकी ६५ वर्षे महिलामा र अर्को रौतहट जिल्लाको क्वारेन्टाइनमा रहेका १९ वर्षे पुरुषमा पनि कोरोनोको संक्रमण पुष्टि भएको हो ।

कुल १४ जनामध्ये १ जना उपचारपछि निको भइसकेका छन् भने बाँकी १३ जनाको उपचार भइरहेकाे छ । जसमध्ये ५ जना धनगढीस्थित सेती अस्पतालमा उपचार भइरहेको छ । वीरगञ्जमा ३ वटा, बाग्लुङमा २ वटा र टेकुस्थित अस्पतालमा ३ जना संक्रमितको उपचार भइरहेको छ ।

स्वास्थ्य मन्त्रालयका अनुसार हालसम्म ७ हजार १६६ जना क्वारेन्टाइनमा छन् ।