श्री एयरलाइन्सले सोमबारदेखि काठमाडौं-सिमरा-काठमाडाैंमा दैनिक २ उडान गर्ने

काठमाडौं । श्री एयरलाइन्सले सोमबारदेखि काठमाडौं–सिमरा उडान शुरु गर्ने भएको छ । कम्पनीका प्रबन्धक अनिल मानन्धरले सोमबारदेखि दैनिक २ वटा उडान गर्न लागेको जानकारी दिए ।

तीन महिना अघि नै टेस्ट फ्लाइट गरिसकेको एयरलाइन्सले नयाँ गन्तव्य थप गरेको हो ।

उनका अनुसार काठमाडौं–सिमराका लागि शुरुवातमा प्रमोसनल शुल्क २८ सय रुपैयाँ तोकिएको छ भने सिमरा–काठमाडौंका लागि २ हजार रुपैयाँ भाडा तोकिएको छ ।

श्रीले बिहान सवा ८ बजे काठमाडौंबाट उडान हुनेछ भने सिमराबाट बिहान ९ बजेर ५ मिनेटमा उडान गर्नेछ । साथै दिनको दोस्रो उडान दिउँसो ३ बजेर ४० मिनेटमा हुनेछ भने ४ बजेर ३० मिनेटमा सिमराबाट काठमाडौंका लागि उडान हुनेछ ।