विद्युत् प्राधिकरणले बिहीबार किन काट्दैछ ललितपुरमा विद्युत

काठमाडौं । नेपाल विद्युत् प्राधिकरणले ललितपुरका विभिन्न स्थानमा बिहीबार विद्युत् कटौती गर्ने भएको छ ।

प्राधिकरणका अनुसार पुल्चोक वितरण केन्द्रको पाटन फर्पिङं फिडरबाट वितरित ११ के भी लाइन सुधार गर्नुपर्ने भएकाले बिहीबार विद्युत् काटिएको हो ।

प्राधिकरणले बिहीबार, शुक्रबार र शनिबार बिहान १० बजेदेखि साँझ ६ बजेस्म्म विद्युत् काट्ने तयारी गरेको छ ।

प्राधिकरणले फर्सीडोल, डुकुछाप, दनुवार वस्ती, जोर्खु, घुसेल, खोलाखेत एरियालगायत यस फिडरबाट सप्लाइ लिएका क्षेत्रहरुका विद्युत् काटने लागेको छ ।

प्राधिकरणले विद्युत् कटौती हुँदा ग्राहकवर्गमा पर्न गएको असुविधाप्रति क्षमा समेत मागेको छ ।

तोकिएको कार्य निर्धारित समय अगावै सम्पन्न भएमा सो समयभन्दा अगावै लाइन सुचारु हुन सक्ने समेत जानकारी समेत प्राधिकरणले दिएको छ ।