सामूदायिक विद्यालयका विद्यार्थीले तयार गरेको विदेशी खानाको स्वाद लिएपछि निजी विद्यालयका विद्यार्थी दंग

काठमाडौं । सामूदायिक विद्यालयका विद्यार्थीले तयार पारेका नेपाली, चिनियाँ, इन्डियन तथा युरोपियन खानाका स्वाद लिन पाएपछि निजी विद्यालयका विद्यार्थी दंगपरेका छन् ।

हाँडीगाउँस्थित टंगाल माविका विद्यार्थीले आयोजना गरेको ‘फुड फेस्टिवल’मा आसपासका १२ भन्दा धेरै निजी विद्यालयका विद्यार्थी सहभागी भएका थिए ।

कक्षा ११ र १२ का विद्यार्थीले तयार गरेका डिसको स्वाद लिएपछि निजी विद्यालयका शिक्षक समेत दंग परेका थिए ।

फेस्टिभलमा विद्यार्थीबाट तयार गरिएका शैक्षिक सामग्री पनि प्रदर्शंनीमा राखिएको थियो ।

विद्यार्थीबाट बनाइएका केबुल कार, एक्जाभेटर, रंगशाला लगायतकाशैक्षिकलाई अवलोकनमा सहभागी विद्यार्थीले चासोपूर्वक लिएका  थिए ।

फेस्टिभलमा २ हजारभन्दा धेरै विद्यार्थीले अवलोकन गरेको विद्यालयका प्राचार्य राजेन्द्र अधिकारीले जानकारी दिए ।