एनसेलले ल्यायो ‘ह्याप्पी आवर अन रिचार्ज’

काठमाडौं । एनसेलले ‘अझै नजिकिन्छ सम्बन्ध’ योजनाअन्तर्गत ‘ह्याप्पी आवर अन रिचार्ज’ अफर ल्याएको छ । यो अफर अन्तर्गत ग्राहकले १०० रुपैयाँ र यसभन्दामाथिको प्रत्येक रिचार्ज बापत भ्वाइस सेवामा छुट प्राप्त गरी यसको फाइदा लिन सक्नेछन् ।

यो अफर यही बिहीबार फागुन १५ गतेदेखि लागू हुनेछ । यस भ्यालेन्टाइन महिनाको अवसरमा सञ्चालनमा ल्याइएको यो अफर अन्तर्गत एनसेलका प्रिपेड ग्राहकले मात्र करसहित ९९ पैसा प्रतिमिनेटमा एनसेल नेटवर्कभित्र कुरा गर्न सक्नेछन् ।

भ्वाइस सेवामा पाइने छुट बिहान ८ बजेबाट दिउँसो ३ बजेभित्रको समयमा लागू हुनेछ । यस अफरबाट फाइदा लिनका लागि ग्राहकले एस्ट्रिक्स १७१०६ ह्यास् डायल गरी आफूलाई अफरमा निःशुल्क रुपमा सहभागी गराउन सक्छन् ।

यसरी अफर सुचारु गरी सकेपछि ग्राहकले रिचार्ज रकमका आधारमा भ्वाइस सेवामा विभिन्न समयसीमा रहेका छुटबाट लाभ लिन सक्नेछन् । ग्राहकहरुले १०० रुपैयाँ रिचार्ज गर्दछन् भने ९९ पैसा प्रति मिनेट छुट लाभ ७ दिनका लागि पाउनेछन् ।

ग्राहकले २००, ३०० र ५०० रुपैयाँको रिचार्ज गर्ने ग्राहकहरुले यो छुटको लाभ क्रमशः १४ दिन, २१ दिन र ३० दिनका लागि लिन सक्नेछन् ।

यसैगरी ग्राहकहरुले १ हजार रुपैयाँ रिचार्ज गर्दछन् भने यो छुटको लाभ रकम रिचार्ज गरेको दिनबाट ६० दिनका लागि पाउनेछन् ।

यो अफरले ग्राहकलाई आफ्ना प्रियजनसँग थप नजिक रहन मद्दत पुर्याउनुका साथै आफ्ना सम्बन्धहरुलाई अझै प्रगाढ बनाउन योगदान पुर्याउने विश्वास एनसेलले लिएको छ ।

यो अफर ९० दिनसम्म स्रञ्चालनमा रहनेछ । ग्राहकले एस्ट्रिक्स १७१०६ एस्ट्रिक्स १ ह्यास् डायल गरी सुचारु गरेको अफरको समयसीमा सजिलै थाहा पाउन सक्नेछन् ।