५०% ले बढ्यो बीमा अभिकर्ता कमिसन, ३ महिनामा अभिकर्ताले बुझे २ अर्ब ५१ करोड कमिसन
काठमाडौं । सञ्चालनमा रहेको १९ वटा जीवन बीमा कम्पनीहरुले चालु आर्थिक वर्ष २०७६/०७७ को पहिलो त्रैमासमा बीमा गराउने अभिकर्ताहरुलाई २ अर्ब ५१ करोड ३२ लाख ७१ हजार ७०४ रुपैयाँ कमिशन दिएका छन् । यो कमिशन गत आवको सोहि अवधिको तुलनामा ४९.८५ प्रतिशतले बढी हो । गत आवको सोहि अवधिमा १ अर्ब ६७ करोड ७० लाख ८२ हजार ८६८ रुपैयाँ कमिशन दिएका थिए ।
पछिल्लो समय २२ प्रतिशत जनतामा बीमाको पहुँच पुगेको छ । जनतामा बीमा क्षेत्रको पहुँच बिस्तार भएसँगै जीबन बीमा कम्पनीहरुले अभिकर्ता पनि बढाउन थालेका छन् । अभिकर्ताले जीवन बीमा गराउने क्रम पनि बढेको छ । यसले जीवन बीमा कम्पनीले अभिकर्तालाई दिने कमिशन पनि बढेको छ ।
यो अवधिमा एजेन्टलाई सबैभन्दा बढी कमिशन दिने जीवन बीमा कम्पनीमा नेपाल लाइफ इन्स्योरेन्स रहेको छ । नेपाल लाइफले ८७ करोड ९९ लाख ७२ हजार ६०४ रुपैयाँ अभिकर्ताको लागि कमिशन दिएको छ । जुन गत आवको पहिलो त्रैमासको तुलनामा ४४ प्रतिशतले बढी छ । बीमा क्षेत्रमा सबैभन्दा बढी योगदान पनि नेपाल लाइफको नै रहेको बताइँदै आएको छ ।
प्रतिशतको आधारमा हेर्ने हो भने सबैभन्दा बढी सिटिजस लाइफको रहेको छ । सिटिजन लाइफले अभिकर्ताको लागि गत आवको पहिलो त्रैमाससम्ममा २ करोड ५२ लाख ३२ हजार रुपैयाँ दिएको थियो ।
अहिले यो रकम १४८ प्रतिशतले बढेको कम्पनीले चालु आवको पहिलो त्रैमासमा जारी गरेको वित्तीय विवरणले देखाएको छ । यस्तै सानिमा लाइफको १२८ प्रतिशत, आईएमई लाइफको ११७ प्रतिशत, रिलायन्स ११६ प्रतिशत, यूनियन लाइफ १०२ प्रतिशत, प्रभु लाइफ इन्स्योरेन्सले बीमा अभिकर्तालाई दिने कमिशन १०१ प्रतिशतले बढेको छ । सबैभन्दा कम अभिकर्ताको कमिशन बढ्नेमा ज्योति लाइफ इन्स्योरेन्स रहेको छ । ज्योतिको ४ प्रतिशतले बढेर २ करोड ७१ लाख ८७ हजार ८६९ रुपैयाँ पुगेको छ । महालक्ष्मी लाइफ नयाँ भएकाले उक्त इन्स्योरेन्सले चालु आवमा १ करोड ४३ लाख ७६ हजार ४५४ रुपैयाँ अभिकर्ताको लागि कमिशन दिएको छ ।
पछिल्लो समयमा बीमा गर्ने क्रम बढेसँगै कमिशन पनि बढेको रिलायन्स लाइफ इन्स्योरेन्सका प्रमुख कार्यकारी अधिकृत प्रविणरमण पराजुलीले बताए ।
बीमा पोलिसी बिक्री बढेसँगै अभिकर्ताको कमिशन पनि बढनु सामान्य भएको उनको भनाई छ ।
अभिकर्ताले पाउने कमिशन भने पोलिसि अनुसार फरक फरक हुने गर्दछ । अभिकर्ताले बिमितले तिरेको प्रिमियमको पहिलो र दोस्रो प्रिमियमको २५ र त्यसपछि ५ प्रतिशतको दरले कमिशन पाउने गर्दछन् ।
| कम्पनी | अभिकर्ता कमिशन चालु आव (रु.) | अभिकर्ता कमिशन गत आव (रु.) |
| Asian Life | 101,380,975 | 78,042,381 |
| Gurans Life | 53,588,000 | 41,160,000 |
| Lic | 444,567,978 | 294,843,976 |
| National Life | 194,633,988 | 144,212,062 |
| Nepal Life | 879,972,604 | 610,780,439 |
| Prime Life | 77,505,000 | 64,095,000 |
| Surya Life | 71,323,000 | 47,842,000 |
| met Life | 123,454,000 | 102,511,000 |
| Reliable | 64,056,000 | 34,146,000 |
| Citizen | 62,482,000 | 25,232,000 |
| prabhu | 23,237,539 | 11,533,456 |
| I.M.E. Life | 41,821,752 | 19,280,272 |
| Jyoti | 27,187,869 | 26,118,646 |
| union | 164,648,933 | 81,424,263 |
| Rastriya Beema sansthan | 42,989,750 | 32,063,581 |
| Reliance | 48,797,000 | 22,611,000 |
| sanima | 28,129,862 | 12,315,792 |
| sun | 49,119,000 | 28,871,000 |
| mahalaxmi | 14,376,454 | – |
क्लिकमान्डु
