काठमाडौं आउँदै हुनुहुन्छ ? गाडीभन्दा सस्तो भयो हवाई भाडा, कहाँबाट आउन कति खर्च लाग्छ ?

क्लिकमान्डु २०७६ असोज १३ गते १८:३६ मा प्रकाशित


काठमाडौं । दशैं सुरु भइसकेको छ । राजधानीबाट दशैं मनाउन राजधानीबाट बाहिरिनेहरुको संख्या दिनप्रति दिन बढ्दैछ ।

सामान्य तथ्यांकलाई मान्ने हो भने राजधानीमा बाहिरी जिल्लाबाट आएर बस्नेहरुको संख्या ५० लाखभन्दा बढी छ । यात्रुहरु घटस्थापनाभन्दा १/२ दिन अघि नै राजधानी छाड्न सुरु गरिसकेका छन् ।

यतिसम्म कि सोह्र श्राद्ध नसकिँदै राजधानी छाड्ने यात्रुको संख्याले सवारीको चाप बढी हुँदा नागढुंगा–नौबीसे सडक खण्डमा ठूलो जाम नै पर्यो ।

यात्रुहरु १० घण्टासम्म जाममा परेको समाचारले सरकारको चर्को आलोचना समेत भयो । त्यसैले यात्रुहरुले घरसम्म पुग्न सहज यात्राका लागि अहिले हवाई यात्रालाई रोज्न थालेका छन् ।

राजधानीबाट बाहिरिनेहरुले हवाई यात्रा रोज्न थालेपछि वायू सेवा कम्पनीहरुले पनि उडानहरु थप गरेका छन् भने हवाई यात्रा गर्ने यात्रुको संख्या पनि निकै बढेको छ ।

बुद्ध एयरका अनुसार गत सेप्टेम्बर २६ मा कम्पनीले अहिलेसम्मकै सबैभन्दा बढी एक दिनमा ५५९२ जना यात्रुलाई उडान गराएको जानकारी दिएको छ ।

घटस्थापनाको तेस्रो दिन असोज १४ गते बाहिरी जिल्लाबाट काठमाडौं भित्रनका लागि वायू सेवा कम्पनीहरुले अधिकांश ठाउँबाट आउनका लागि गाडी भाडाभन्दा पनि सस्तो दरमा टिकट उपलब्ध गराएका छन् ।

राजधानी बाहिरिनेहरुको चाप र भित्रनेहरुको चाप कम भएकाले वायू सेवा कम्पनीहरुले सस्तो दरका टिकट बिक्री गरिरहेको छ ।

ई-सेवाबाट टिकट काट्दा क्यास ब्याक समेत पाइने भएकाले यात्रुलाई तय गरिएको टिकट दरभन्दा अझ बढी सस्तो पर्ने देखिएको छ ।

कहाँबाट कति लाग्छ भाडा
गन्तव्य                                                  भाडा                                 नगद फिर्ता
विराटनगर-काठमाडौं                                                  २०००/-                                    ८०/-
भैरहवा-काठमाडौं                                                        २२००/-                                    ८०/-
धनगढी-काठमाडौं                                                       ३६००/-                                    १२०/-
नेपालगञ्ज-काठमाडौं                                                   २८००/-                                    ८०/-
भद्रपुर-काठमाडौं                                                         २२००/-                                    ८०/-
भरतपुर-काठमाडौं                                                       ३३५०/-                                   ८१.२/-
जनकपुर-काठमाडौं                                                     २०००/-                                     ८०/-
सिमरा-काठमाडौं                                                        ३१२०/-                                     १०० /-
सुर्खेत-काठमाडौं                                                         ७७३०/-                                    ८७.३/-
पोखरा-काठमाडौं                                                        ३०००/-                                      ८०/-

माथि उल्लेखित टिकट दर ई–सेवाबाट लिइएको हो ।

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स