भारतमा चुनाव जितेपछि मोदीले लेखे : नेपाल भारत सम्बन्ध नयाँ उचाईमा पुग्छ

काठमाडौं । भारतीय प्रधानमन्त्री नरेन्द्र मोदीले प्रधानमन्त्री केपी शर्मा ओलीले दिएको बधाईमा कृतज्ञता जनाउदै नेपाल भारत सम्बन्ध नयाँ उचाईमा पुग्ने बताएका छन् ।

प्रधानमन्त्री केपी शर्मा ओलीले सामाजिक संजाल ट्वीटर मार्फत भारतीय प्रधानमन्त्री नरेन्द्र मोदीलाई लोकसभा निर्वाचनमा हासिल गरेको एतिहासिक जितमा बधाई ज्ञापन गरेका थिए ।

ओलीको ट्वीटमा जवाफ फर्काउदै भारतीय प्रधानमन्त्री नरेन्द्र मोदीले नेपाल भारत नजिकको साथी भएको भन्दै जनताबीचको सम्बन्ध अझ अगाडि पुग्ने उल्लेख गरेका छन् । मोदीलाई ट्वीटर मार्फत बधाई दिएका नेपाली नेताहरुलाई पनि उनले ट्वीटर मार्फत जवाफ फर्काउदै धन्यवाद् व्यक्त गरेका छन् ।