लघुवित्त कम्पनीहरुको नाफा साढे ४६% ले बढ्यो, कुनले कति कमाए ? (सूचिसहित)

काठमाडौं । लघुवित्त (माइक्रोफाइनान्स) कम्पनीहरुले लोभलाग्दो नाफा कमाएका छन् । लघुवित्त कम्पनीहरुले सार्वजनिक गरेको चालु आर्थिक वर्षको तेस्रो त्रैमासको वित्तीय विवरणमा उनीहरुको नाफा लोभ लाग्दो छ ।

तेस्रो त्रैमासमा वाणिज्य बैंकहरुको नाफा जम्मा २२ प्रतिशतले बढेको छ । तर, लघुवित्त कम्पनीहरुको नाफा भने बैंकहरुको भन्दा दोब्बर भन्दा पनि बढी अर्थात् ४६.५६ प्रतिशतले बढेको छ ।

लघुवित्तको नाफाले लगानीकर्ताहरुलाई निकै उत्साहित बनाएको छ । यो अवधिमा सबै भन्दा बढी नाफा कमाउने माइक्रोफाइनान्स कम्पनीमा आशा लघुवित्त वित्तीय संस्था रहेको छ । यो संस्थाले गत आवको सोहि अवधिमा नाफामा उल्लेख्य वृद्धि गरेको छ ।

गत आवको तेस्रो त्रैमासमा ४ हजार रुपैयाँ नाफा आर्जन गरेको संस्थाले चालु आवको सोहि अवधिमा १ करोड ४५ लाख ५५ हजार रुपैयाँ नाफा आर्जन गरेको छ । यो अवधिमा सबै माइक्रोफाइन्स कम्पनीको नाफामा निकै सुधार देखिएको छ ।

गत आवको तेस्रो त्रैमासमा नोक्सान व्यहोरेका माइक्रोफाइनान्सले पनि चालु आवको तेस्रो त्रैमासमा आइपुग्दा नाफामा धेरै सुधार देखिएको छ ।