ओली सरकारले १० करोड बाँड्यो, कसले कति पाए ? (सूचिसहित)

काठमाडौं । केपी ओली नेतृत्वको सरकारले ९ महिनामा ९ करोड ६१ लाख रुपैयाँ लाख रुपैयाँ आर्थिक सहायता बाँडेको छ ।

अर्थमन्त्रालयले रकमान्तर गरेको विवरण हेर्दा चैत मसान्तसम्ममा ९ करोड ६१ लाख रुपैयाँ लाख रुपैयाँ रकमान्तर गरिएको देखिन्छ ।

यसमा राजनीतिक नेताको उपचार खर्चदेखि कर्मचारीको उपचार खर्च समेत रहेको छ । कतिपय रकम गृहमन्त्रालयको नाममा निकासा गरिएको छ । त्यहीबाट बाँडिएको छ ।

सरकारले पूर्वमन्त्री नरहरि आचार्यको उपचारको लागि ३३ लाख ३३ लाख ६१ हजार रुपैयाँ दिएको छ ।

यस्तैं उपचारको लागि पूर्वउप्रधानमन्त्री भरतमोहन अधिकारीलाई १० लाख रुपैयाँ दिइएको छ । उनको उपचारको क्रममा निधन भइसकेको छ ।

पूर्वमन्त्री तथा कांग्रेस नेता रामकृष्ण ताम्राकारलाई १५ लाख रुपैयाँ दिइएको छ । गण्डकी प्रदेशका प्रदेशसभाका सभामुख नेत्रनाथ अधिकारीको उपचारको लागि ७ लाख १९ हजार रुपैयाँ दिइएको छ ।

पूर्वराष्ट्रपति डा रामवरण यादवलाई २ लाख रुपैयाँ उपचारको लागि दिइएको छ । राष्ट्रकवि माधवप्रसाद घिमिरेलाई १४ लाख ९८ हजार रुपैयाँ दिइएको छ ।

साहित्यकार मदनमणी दिक्षितको उपचारको लागि ७ लाख रुपैयाँ सरकारले उपलब्ध गराएको छ ।

विभिन्न घटनाहरुमा उपचार तथा आर्थिक सहायताको लागि गृहमन्त्रालय अन्तर्गत रहेर पैसा दिइएको छ ।