नेपालमा पब्जी खेलमाथि प्रतिबन्ध

काठमाडौँ । यस अघि तपाईले पब्जी खेल खेल्दै आउनु भएको थियो भने अब खेल्न नपाउनु हुने भएको छ ।

सरकारले नेपालमा पनि यो खेललाई प्रतिबन्ध लगाएको छ । नेपाल दूरसञ्चार प्राधिकरणले नेपालमा पब्जी खेल प्रतिबन्ध लगाएको हो । नेपाल प्रहरीको केन्द्रीय अनुसन्धान ब्युरो (सिआईबी)को विशेष आग्रह पछि प्राधिकरणले पब्जी खेल बन्द गर्न सबै इन्टरनेट सेवा प्रदायक कम्पनीहरुलाई निर्देशन नै दिएको छ ।

प्राधिकरणका प्रवक्ता मीनप्रसाद अर्यालले आजै इन्टरनेट प्रदायक कम्पनीहरुलाई पब्जी खेल डाउनलोड गर्न र खेल्नमा रोक्न‍ लगाउन पत्र पठाइएको जानकारी गराए । पब्जी खेलका कारण मानिसमा विभिन्न खालको समस्या देखिएको भन्दै प्रतिबन्ध लगाइएको हो ।