निशान र मिटसुबिसीका अध्यक्ष कार्लोस पक्राउपछि कम्पनीको सेयर घट्न थाल्यो



काठमाण्डौ । जापानी कार कम्पनी निशान र मिटसुबिसीका अध्यक्ष कार्लोस गोसनलाई आर्थिक अनियमितताको आरोपमा पक्राउ गरिएपछि उक्त कम्पनीको सेयरमा गिरावट आएको छ ।

गोसनलाई घरहरूको अस्वभाविक मूल्य कायम गरेको र क्षतिपूर्ति रकमलाई फरक शीर्षकमा प्रयोग गरी कम्पनीका गतिविधिलाई आर्थिक अनियमितताका लागि सञ्चालन गरेको अरोपमा पक्राउ गरिएको हो ।

अध्यक्षको पक्राउपछि दुबै कार निर्माण कम्पनीले गोसनलाई हटाउने प्रस्ताब गर्ने बताएका छन् । कम्पनीका चर्चित प्रशासकको पक्राउले कार कम्पनी र समग्र उद्योग क्षेत्रमा सनसनी मच्चाएको छ ।

जापानी अधिकारीले विश्व विख्यात जापानी कार कम्पनीका प्रमुखलाई पक्राउ गरेपछि पनि निशान, मिटसुबिसी र रेनल्ट कम्पनीको स्थायित्वका लागि काम भइरहेको सन्देशसहितका आश्वासनहरू दिइरहेका छन् ।

कम्पनीहरूसँग स्थिर खालको सम्बन्ध राख्नु महत्वपूर्ण बिषय हो- जापानका उद्योगमन्त्री हिरोसिज सिकोले सञ्चारकर्मीसँग बताउए । (एजेन्सीहरुबाट)


क्लिकमाण्डू