ओपोले ल्यायो एफ फाइभ सिक्स जीबी र एफफाइभ यूथ

काठमाडौं। ओपोले आफ्नो नयाँ मोडल ओपो एफ फाइभ सिक्स जीबी कालो रंगमा सार्वजनिक गरेको छ । यसको साथमा लार्इट भर्सनको ओपो एफफाइभ यूथ पनि सार्वजनिक गरेको कम्पनीले जानकारी दिएको छ ।

आफ्ना उपभोक्ता तथा यूवा वर्गलाई उत्पादन छनोटका क्रममा आवश्यकता अनुसार थप अवसर प्रदान गर्ने सोचका साथ कम्पनीले एक पछि अर्को गर्दै फरक विशेषता, मूल्य लगायतका साथमा एफ फाइभका विभिन्न भेरियण्टहरु उपलब्ध गराएको बतायो ।

ओपोले नेपाली बजारमा प्रवेश गरेको छोटो अवधिमा नै फेशनेवल, स्टाइलिश फोन निर्माताका रुपमा विशेष गरी यूवा पुस्ता माझ आफ्नो परिचय स्थापित गरी सकेको छ ।

‘सार्वजनिक नयाँ मोडलले हाम्रा उपभोक्ताका लागि आवश्यकता अनुसार छनोटका लागि थप अवसर प्रदान गर्ने कुरामा हामी विश्वस्त छौँ । तिनका लागि पनि उस्तै मायाँ, साथ र सहयोग प्राप्त हुने हामीले विश्वास लिएका छौँ,’ ओपो नेपालका प्रमुख कार्यकारी अधिकृत बबी झाओले भने ।

ओपो एफफाइभ सिक्स जीबी

ओपो एफ फाइभ सिक्स जीबी फेशनेवल कालो रंगमा उपलब्ध हुनुका साथै यसमा अझ बढी सञ्चय क्षमता, ६ जीबी र्याम र ६४ जीबी स्टोरेजसहितको उत्कृष्ट प्रोसेसर जडान गरिएको छ । पर्याप्त सञ्चय क्षमता भएको ओपो एफ फाइभ सिक्स जीबीले प्रयोगकर्तालाई सहज अनुभूती प्रदान गर्नुका साथै स्टाइलिश तथा फेशनेवल ब्ल्याक कलरले उपभोक्तालाई सँधै फेशनेवल बेष्ट देखाउने कम्पनीको दावी छ ।

सेल्फीमा रहेका मानिसकै आधारमा ब्यक्तिगत ब्यूटिफिकेशन सुविधा उपलब्ध गराउने सोचका साथ नयाँ उत्पादनमा उद्योगकै पहिलो एआई ब्यूटिफिकेशन प्रविधिको प्रयोग गरिएको छ ।

२ सय भन्दा बढी फेशियल रेकग्निशन स्पट्स सहितको यो प्रविधिले मानव मुहारको ग्लोबल डाटाबेस मार्फत फेशियल फिचर्स, आकार प्रकार, स्किन टोन तथा टाइप, लिंग, उमेर लगायत आधारमा फरक छुट्याएर ब्यूटिफिकेशन सुविधा उपलब्ध गराउँछ ।

फोनमा ६ ईञ्चको पूर्ण एचडी फुल स्क्रिन डिस्प्ले जडान गरिएको छ । साथै यसमा रहेको १८ः९ डिस्प्लेले उपभोक्तालाई जीवन्त रंग सहितका दृष्यको मज्जा प्रदान गर्छ । मिड रेञ्ज्ड स्मार्टफोनमा कम्प्याक्ट बडी र अत्यन्त पातलो फ्रेम सहित स्पष्ट तथा जीवन्त दृष्य सम्प्रेषण उपलब्ध गराउने यो नै नेपालको पहिलो स्मार्टफोन भएको कम्पनीको दावी छ ।

कालो रंगमा सार्वजनिक गरिएको एफ फाइभ सिक्स जीबीको मूल्य ४४ हजार ९ सय ९० रुपैयाँ निर्धारण गरिएको छ ।

ओपो एफफाइभ यूथ

त्यसैगरी ओपो एफफाइभ यूथ भने मंसीर २२ गते देखि नेपाली बजारमा उपलब्ध हुनेछ ।

ओपो एफ फाइभ यूथमा कम्पनीले उच्च गुणस्तरिय १६ मेगापिक्सेलको सेल्फी क्यामेरा (एफ/२.०) र १३ एमपी रियर क्यामेरा जडान गरेको छ । २१६०x१०८० रिजोल्यूशन (एफएचडी प्लस), ६ ईञ्च फुल–स्क्रिनले उपभोक्तालाई उत्कृष्ट दृष्य तथा मोबाइल सेल्फी अनुभव प्रदान गर्ने कम्पनीको दाबी छ ।

सेल्फी एक्स्पर्ट एण्ड लिडरका रुपमा परिचित ओपोले नयाँ फोनमा बिल्ट–इन ब्यूटिफिकेशन प्रविधिलाई परिस्कृत गर्दै स्मार्ट आर्टिफिसियल ईन्टेलिजेन्सी र ओप्टिमाइजेसन्स समाहित गरेको छ ।

एफफाइभ यूथले वैश्विक मानव मुहार डाटाबेस तथा अत्याधुनिक अल्गोरिथमलाई आधार मानी सेल्फी खिच्ने मानिसलाई आकर्षक देखाउन तिनको ब्यक्तिगत आवश्यकता अनुसार एआई ब्यूटिफिकेशनको सुविधा उपलध गराउँछ ।

यसले गर्दा सेल्फी तथा तस्विरहरु ब्यवसायिक फोटोग्राफरले खिचेका तस्विर झैँ गुणस्तरिय देखिने कम्पनीले जनाएको छ ।

कम्पनीले ओपो एफ फाइभ यूथपनि मूल्य २७ हजार ९ सय ९० रुपैयाँमा उपलब्ध गराउने जानकारी दिएको छ ।