तपाईंको गाउँमा कुन बैंक आउँदैछ ? हेर्नुहोस्, २४४ तहकै सूची

काठमाडौं । बैंकमा पैसा राख्न, झिक्न र ऋण लिन लगायतका बैंकिङ कारोबार गर्न अब तपाईं सदरमुकाम वा घन्टौं हिँडेर बजार इलाका जानु नपर्ने भएको छ । किनभने अब बैंकहरुतपाईंको गाउँमै आउने भएका छन् ।

सरकारी कामकाजका लागि वाणिज्य बैंक चाहिने भएकाले प्रत्येक स्थानीय तहमा बैंक खुल्ने भएका हुन् ।

स्टान्डर्ड चाटर्ड बैंक बाहेक अरु बैंकहरु स्थानीय तहमा जाने भएका हुन् । उनीहरुले आफुले जाने स्थानीय तहको नाम र संख्यासहित राष्ट्र बैंकबाट स्वीकृत गराइसकेका छन् ।

तपाईंको गाउँमा बैंक आउँदा तपाईंलाई रोजगारी लगायतका विभिन्न अबसरहरु पनि आउँछन् ।

प्रभु बैंक सबैभन्दा बढी अर्थात् ३२ स्थानीय तहमा प्रभु बैंक जाँदैछ । एउटा वाणिज्य बैंकको भागमा १८ वटा स्थानीय तह परे पनि प्रभु बैंक आफैं धेरै स्थानीय तहमा जान खोजेको बैंकका सीइओ अशोक शेरचनले बताए ।

देशभर ७ सय ४४ स्थानीय तह छन्, जसमध्ये ४१२ स्थानीय तहमा बैंक पुगेका छैनन् । अब ती स्थानमा पनि बैंक पुग्ने भएका हुन् ।

बैंक नपुगेका ४ सय १२ स्थानीय तहम्ये २ सय ५० स्थानीय तहमा यसै वर्ष बैंकहरुले शाखा विस्तार गर्दैछन् । ३ सय ३२ स्थानीय तहमा भने यसअघि नै बैंक पुगिसकेका छन् ।

यो पनि पढ्नुहोस्,- एउटा बैंकले शाखा खोलेको स्थानीय तहमा ३ वर्षसम्म अरु बैंकले शाखा खोल्न नपाउने

गत जेठ १५ गते अर्थमन्त्रीले सार्वजानिक गरेको बजेटमा आगामी आर्थिक वर्ष सबै स्थानीय तहमा बैंक पुर्याउने घोषणा गरेका थिए ।
त्यसपछि राष्ट्र बैंकले बैंकर्स संघसँग कहाँ कहाँ छन्, कहाँ कहाँ छैनन् र कुन बैंक कहाँ जाने ? भन्ने प्रस्ताबसहितको रिपोर्ट बुझाउन निर्देशन दिएको थियो ।

नेपाल बैंकर्स संघले शाखा खोल्न प्रस्ताव गरेको थियो । त्यसैलाई राष्ट्र बैंकले स्वीकृति दिएको हो ।

वाणिज्य बैंकलाई नयाँ शाखा खोल्न पत्राचार गरिएको २४४ स्थानीय तह